تۇركىستاندا وتكەن مارافونعا 19 مەملەكەتتەن 5000 عا جۋىق سپورتشى قاتىستى
«Turkistan International Marathon» حالىقارالىق مارافونى ۇيىمداستىرىلدى،-دەپ حابارلايدى قازاقپارات ءتىلشىسى.
ءىس- شارانىڭ سالتاناتتى اشىلۋىنا قاتىسقان تۇركىستان قالاسىنىڭ اكىمى نۇربول تۇراشبەكوۆ دامۋشى مەملەكەتتە سالاۋاتتى ءومىر سالتىن قالىپتاستىرۋ، دەنى ساۋ ۇرپاق ءوسىرۋ مىندەتى قاي كەزدە دە باسىمدىققا يە ەكەنىن اتاپ ءوتىپ، قاتىسۋشىلارعا ساتتىلىك تىلەدى.
مارافونشىلار 3، 10، 21، 42 شاقىرىم قاشىقتىقتاردا جۇگىردى. كەرۋەن ساراي كەشەنى الدىنان باستاۋ الىپ ب. ساتتارحانوۆ داڭعىلىنىڭ بويىمەن شىمكەنت باعىتىنا قاراي ج. مايكوتوۆ كوشەسىنە دەيىنگى ارالىقتى قامتىدى.
شاراعا 19 مەملەكەتتەن 5000 عا جۋىق سپورتشى قاتىستى. ونىڭ 3000 سپورتشىسى ونلاين جۇيەدە ءوز مەملەكەتتەرىندە جۇگىرىپ، مارافونعا ۇلەس قوستى. جۇلدەگەرلەر اقشالاي سىيلىقتارعا يە بولدى.
