19-21-جەلتوقسان كۇندەرى بوران سوعىپ، قار جاۋادى - قازگيدرومەت

سينوپتيكتەردىڭ بولجامىنشا، 19-جەلتوقساننان باستاپ قازاقستاننىڭ باسىم بولىگىندە قار جاۋىپ، بۇرقاسىن بولادى. رەسپۋبليكانىڭ وڭتۇستىگى مەن وڭتۇستىك-شىعىسىندا جاۋىن-شاشىن (جاڭبىر، قار)، كوكتايعاق، ەكپىندى جەل تۇرادى.

19-20-جەلتوقساندا سولتۇستىك-باتىستا، سولتۇستىكتە، ورتالىقتا، 20-جەلتوقساندا رەسپۋبليكانىڭ وڭتۇستىك-شىعىسىنداعى تاۋلى اۋدانداردا قالىڭ قار جاۋادى.

21-جەلتوقساننان باستاپ رەسپۋبليكانىڭ باتىسىندا اۋا رايى جاۋىن-شاشىنسىز بولادى، سولتۇستىكتە، وڭتۇستىكتە جانە ورتالىقتا اۋا تەمپەراتۋراسى تومەندەيدى. رەسپۋبليكا بويىنشا تۇمان تۇسەدى.

تۇندە اۋا تەمپەراتۋراسى قۇبىلمالى بولادى: رەسپۋبليكانىڭ باتىسىندا 3-13 تەن 5-18 گە دەيىن اياز، شىعىستا 10-26 دان 7-20 عا دەيىن اياز، قالعان اۋماقتا اۋا تەمپەراتۋراسىنىڭ تومەندەۋى بايقالادى: تۇندە سولتۇستىك-باتىستا، سولتۇستىكتە 10-20 عا دەيىن اياز، رەسپۋبليكا ورتالىعىندا 13-25 عا دەيىن اياز، رەسپۋبليكانىڭ وڭتۇستىگى مەن وڭتۇستىك-شىعىسىندا 13-25 دەيىن. تاۋلى ايماقتاردا 15-18 گرادۋس اياز.

ايتا كەتەيىك، بۇگىن قازاقستاندا قار جاۋادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى