كاسپي جاعالاۋىندا 18 گەكتاردا قامىس ءالى بىقسىپ جاتىر
اتىراۋ وبلىستىق توتەنشە جاعدايلار دەپارتامەنتىنىڭ قوعاممەن بايلانىس توبىنان ءمالىم ەتكەندەي، قامىس ورتىنە ءالسىن- ءالسىن اەروۆيزۋالدى تەكسەرۋ جۇرگىزىلگەن.
«اەروۆيزۋالدى تەكسەرۋ جۇرگىزىلگەننەن كەيىن ءورتتى اۋە جانە جەرۇستى تاسىلىمەن سوندىرۋگە شەشىم قابىلداندى. سونىڭ ناتيجەسىندە ءورت شارپىعان قامىستىڭ اۋماعى 18 گەكتارعا دەيىن ازايدى. قازىر اتالعان اۋماقتا قامىس بىقسىپ جاتىر. «قازاۆياقۇتقارۋ» اق- نىڭ م ي-8 تىكۇشاعىمەن ورتەنگەن قامىسقا 106 رەت سۋ توگۋ جۇمىسى جۇزەگە اسىرىلدى. توگىلگەن سۋدىڭ جالپى كولەمى شامامەن 300 توننانى قۇرايدى»، - دەپ حابارلادى دەپارتامەنتتىڭ قوعاممەن بايلانىس توبى.
قامىس ءورتىن ءسوندىرۋ ءالى جالعاسىپ جاتىر. جالىندى اۋىزدىقتاۋعا اتىراۋ وبلىستىق توتەنشە جاعدايلار دەپارتامەنتى مەن «اقجايىق» مەملەكەتتىك تابيعي رەزەرۆاتىنان 100 گە جۋىق ادام، 20 دان استام تەحنيكا جۇمىلدىرىلدى.
ەسكە سالا كەتەلىك، كاسپي تەڭىزىنىڭ جاعالاۋىنداعى قامىس 6-شىلدەدەن بەرى جانىپ جاتىر.
قامىس ءورتىن سوندىرۋگە قىزىلوردادان تىكۇشاق تارتىلدى.
سونداي- اق، بۇعان دەيىن كاسپي تەڭىزىنىڭ جاعالاۋىنداعى قامىس ورتىنە تىكۇشاقپەن 162 توننا سۋ توگىلگەنىن، قامىس ءورتىنىڭ اۋماعى 690 گەكتارعا جەتكەنىن جازعان بولاتىنبىز.
ال، بۇگىن كاسپي جاعالاۋىنداعى قامىس ءورتىنىڭ اۋماعى 830 گەكتارعا جەتتى.
اتىراۋ وبلىسى اكىمدىگى باسپا ءسوز قىزمەتىنىڭ مالىمەتىنشە، بيىل «اقجايىق» مەملەكەتتىك تابيعي رەزەرۆاتىنا ارنايى تەحنيكا ساتىپ الۋعا رەسپۋبليكالىق بيۋدجەتتەن 285 ميلليون تەڭگە بولىنگەن.
ال، اتىراۋ وبلىسىنىڭ توتەنشە جاعدايلار دەپارتامەنتىنە 30 نەگىزگى جانە ارنايى تەحنيكا ساتىپ الۋ ءۇشىن جەرگىلىكتى بيۋدجەتتەن 1, 5 ميلليارد تەڭگە قارالعان.
