الماتىدا ءبىر تاۋلىكتە 18 رەت قار كوشكىنى ءجۇردى
الماتى قالالىق توتەنشە جاعدايلار دەپارتامەنتىنىڭ مالىمەتىنشە، تۇسكەن قاردىڭ كولەمى 29 مىڭ تەكشە مەتر.
«قار كوشكىنى ادام وتپەيتىن تاۋلى ايماقتاردا ءتۇستى. ابىروي بولعاندا زارداپ شەككەندەر جوق. وزەن ارنالارى مەن جولدارعا قار تۇسكەن جوق. كوشكىن قاۋىپى تۋرالى الماتىلىقتار مەن قالا قوناقتارىن مەديابوردتار ەسكەرتۋدە، وندا تاۋلاردا كوشكىن قاۋپى تۋرالى حابارلاما تاراتىلادى، ۇيالى تەلەفوندارعا SMS- حابارلامالار جىبەرىلدى»، - دەپ اتاپ ءوتتى ۆەدومستۆودان.
ەستەرىڭىزگە سالا كەتەيىك، قازىرگى ۋاقىتتا ۇلكەن الماتى كولى مەن شىمبۇلاققا باراتىن اۆتوجولدار جابىق.
بۇعان دەيىن شىمبۇلاق اۋماعىندا قار كوشكىنى جۇرگەن ەدى.
قۇتقارۋشىلار وسى ۋاقىتتا تاۋلى جەرلەرگە بارماۋعا، تىك قارلى بەتكەيلەردەن ساق بولۋعا، تاۋ شاڭعىسى كۋرورتتارىنداعى قورشاۋلاردان تىس جەرلەرگە شىقپاۋعا كەڭەس بەرەدى.
