اقتوبەدە قاڭتار وقيعاسىنا قاتىسقان 18 ادامنىڭ ءىسى سوتتا قارالا باستادى

ولار - «جاپپاي تارتىپسىزدىك»، «قۇقىق قورعاۋ ورگانى، ارناۋلى مەملەكەتتىك ورگان قىزمەتكەرىنىڭ، اسكەري قىزمەتشىنىڭ ومىرىنە قولسۇعۋشىلىق»، «قارۋدى، وق-دارىلەردى، جارىلعىش زاتتار مەن جارىلىس قۇرىلعىلارىن جىمقىرۋ نە قورقىتىپ الۋ» باپتارى.

بارلىعى سوت زالىندا 18 ايىپتالۋشى بار. سونىمەن بىرگە 33 جابىرلەنۋشىنىڭ كوبى - قۇقىق قورعاۋ ورگاندارىنىڭ قىزمەتكەرلەرى.

قازىرگى كەزدە ايىپتالۋشىلاردىڭ ۇشەۋى قاماۋدا بولسا، وزگەسى ءۇي قاماقتا.

پروكۋرور اسەل تاناليەۆانىڭ ايتۋىنشا، اقتوبەدەگى جاپپاي تارتىپسىزدىك كەزىندە ءبىرى الاڭعا قيىرشىق تاس تاسىمالداسا، ءبىرى الەۋمەتتىك جەلى ارقىلى حالىقتى الاڭعا شاقىرعان.

سونىمەن بىرگە اقشا جيناپ، جينالعانداردى ازىق-تۇلىكپەن، قاجەتتى گيگيەنالىق زاتتارمەن قامتاماسىز ەتكەن.

اتاپ ايتساق، ايىپتالۋشى ەركەبۇلان قۇتتىبايەۆ پەن ونىڭ تانىسى دارحان ابيەۆ ەكى جۇك كولىگىنە تاس تيەپ، اكىمدىك عيماراتى ماڭىنا توككەن.

سول جەرگە جينالعاندار ونى پايدالانىپ، لاقتىرا باستاعان. ال نۇرسۇلتان يسايەۆ جەكە كولىگىمەن پوليتسيا قىزمەتكەرلەرىن قاساقانا تۇيگەن دەپ ايىپتالىپ جاتىر.

پروكۋروردىڭ ايتۋىنشا، ول ۋچاسكەلىك ينسپەكتور، كوشى-قونى ينسپەكتورىن قاققان. اكىمدىككە قاراي جۇرگەن.

ايتا كەتەيىك، قاڭتار وقيعاسى كەزىندە كەلگەن جالپى شىعىن 148 ميلليون تەڭگەدەن اسادى. ونىڭ 114 ميلليون تەڭگەدەن استامى وبلىستىق اكىمدىككە تيەسىلى.

ەسكە سالساق، بيىل 5- قاڭتاردا پرەزيدەنت اقتوبەدە توتەنشە جاعداي جاريالاۋ تۋرالى جارلىققا قول قويدى.

كومەندانتتىق ساعات ءتارتىبىن بۇزعان ادامدار اكىمشىلىك جاۋاپقا تارتىلدى.

پوليتسيا سول كەزدە جۋرناليستەردەن تۇسىنىكتەمە الدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى