الماتىدا قارۋ-جاراق دۇكەنىن توناۋعا قاتىسقان 18 جاستاعى جىگىت ۇستالدى
الماتى كومەنداتۋراسىنىڭ مالىمەتىنشە، قيراتۋ، توناۋ كەزىندە ۇرلانعان قارۋدى الماتى وبلىسىنىڭ 18 جاستاعى تۇرعىنى ارنايى قويمادا جاسىرعان.
كۇدىكتىنى ناۋرىزباي اۋدانىنىڭ پوليتسيا قىزمەتكەرلەرى ۇستادى.
جاۋاپ الۋ كەزىندە ەر ادام قارۋ ساتاتىن دۇكەندەردى توناۋعا قاتىسقانىن مويىندادى. ونىڭ ۇرلانعان مىلتىقتاردى كارەرلەردەگى قويمادا ساقتاعانى انىقتالدى.
كۇدىكتىنىڭ بۇرىن بوتەننىڭ مۇلكىن ۇرلاعانى ءۇشىن قىلمىستىق جاۋاپقا تارتىلعانى بەلگىلى بولدى.
قازىرگى ۋاقىتتا ونىڭ قالاداعى تارتىپسىزدىكتەر كەزىندە باسقا دا قىلمىستىق ءىس-ارەكەتتەرگە قاتىستىلىعىن انىقتاۋ، سونداي-اق، زاڭسىز ساقتالعان باسقا دا قارۋ-جاراقتاردى تاركىلەۋ بويىنشا جەدەل ءىس-شارالار كەشەنى جۇرگىزىلۋدە.
