سينوپتيكتەردىڭ 18- قىركۇيەك كۇنگى اۋا رايى بولجامى

رەسپۋبليكانىڭ باتىسى مەن شىعىسىندا اتموسفەرالىق اعىنداردىڭ وتۋىنە بايلانىستى جاڭبىر جاۋىپ، نايزاعاي وينايدى. ال سولتۇستىك ءوڭىردىڭ كەي جەرلەرىندە تۇندە جانە تاڭەرتەڭ تۇمان بولۋى ىقتيمال.

جامبىل وبلىسىنىڭ كەي جەرلەرىندە جەل تۇرىپ، كۇندىز جىلدامدىعى 23 م/س جەتەدى.

شىعىس قازاقستان وبلىسىندا كەي جەرلەردە تۇمان، جەل 15-20 م/س كۇتىلەدى.

كۇندىز اتىراۋ وبلىسىنىڭ كەي جەرلەرىندە بۇرشاق جاۋۋى مۇمكىن، جەل 15-20 م/س كۇشەيەدى، شاڭدى داۋىل بولادى.

كۇندىز قىزىلوردا وبلىسىنىڭ كەي جەرلەرىندە جەلدىڭ جىلدامدىعى 15-20 م/س جەتىپ، شاڭدى داۋىل سوعادى. ماڭعىستاۋ، اقتوبە وبلىستارىندا، كۇندىز تۇركىستان، قوستاناي وبلىستارىنىڭ كەي جەرلەرىندە جەل 15-20 م/س دەيىن كۇشەيەدى.

سولتۇستىك قازاقستان وبلىسىندا تۇندە جانە تاڭەرتەڭ كەي جەرلەردە تۇمان تۇسەدى، كۇندىز جەلدىڭ جىلدامدىعى 15-20 م/س جەتەدى.

پاۆلودار وبلىسىندا، تۇندە جانە تاڭەرتەڭ اقمولا، قاراعاندى وبلىستارىنىڭ كەي جەرلەرىندە تۇمان ءتۇسۋى ىقتيمال.

قىزىلوردا، تۇركىستان، ماڭعىستاۋ، جامبىل، اتىراۋ وبلىستارىنىڭ باسىم بولىگىندە، باتىس قازاقستان، اقتوبە جانە قاراعاندى وبلىستارىنىڭ كەي جەرلەرىندە جوعارى ءورت قاۋپى ساقتالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى