ەلىمىزدىڭ 18 ميلليونىنشى تۇرعىنى باسپانالى بولدى

 كىشكەنتاي ءمۇسليما سامات قىزىنىڭ اتا- اناسىنا الماتى وبلىسىنىڭ اكىمى اماندىق باتالوۆ 3 بولمەلى پاتەردىڭ كىلتىن تابىس ەتتى.

ەستەرىڭىزگە سالا كەتەيىك، قازاقستان رەسپۋبليكاسى ۇلتتىق ەكونوميكا مينيسترلىگىنىڭ ستاتيستيكا جونىندەگى كوميتەتىنىڭ مالىمەتى بويىنشا، 2017 -جىلدىڭ 11 - مامىرىندا قازاقستان رەسپۋبليكاسى حالقىنىڭ سانى 18 ميلليونعا جەتتى. ەسەپ بويىنشا تالدىقورعان قالاسىندا تۋعان مۋسليما سامات قىزى 18 ميلليونىنشى تۇرعىن اتانعان بولاتىن. نەسىبەلى نارەستە وتباسىنىڭ ەكىنشى بالاسى. ءسابيدىڭ اناسى ديانا ومارحانوۆا 1991 -جىلى تۋعان، قالاداعى № 16 مەكتەپتە دەفەكتولوگ مامان بولسا، اكەسى بەستىبايەۆ سامات 1982 -جىلى تۋعان، № 5 مەكتەپتە دەنە شىنىقتىرۋ ءپانىنىڭ ءمۇعالىمى.

 سونداي- اق، بۇگىن تالدىقورعاندا 18 ميلليونىنشى تۇرعىننان وزگە 118 وتباسى باسپانالى بولدى. سالتاناتتى جيىندا 64 جانە 55 پاتەرلىك ەكى ءۇي پايدالانۋعا بەرىلدى. ءبىرىنشىسى تۇرعىن ءۇي قۇرىلىس جيناق بانكى سالىمشىلارىنا ارنالعان، ەكىنشىسى كوممۋنالدىق باسپانا.

اۆتور: سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى