قازاقستاننىڭ حالىق سانى 18 ميلليوننان استى

بۇگىنگى كورسەتكىش بويىنشا، قازاقستان حالىق سانى 18 ميلليون 22 مىڭ 500 ادامدى قۇرايدى. وندا، قازاقستان حالقىنىڭ 2015-جىلدىڭ اياعىنا دەيىن 17769475 عا جەتكەنى، بيىلعى جىلدىڭ ءوسىمى بويىنشا، قازاقستان حالقىنىڭ سانى 18044724 دەيىن جەتۋى مۇمكىن ەكەنى بولجانعان.

ايتا كەتەر بولساق، بيىلعى جىلدىڭ 17- قىركۇيەگىندە، اقتوبە وبلىسى اكىمى بەردىبەك ساپاربايەۆ اقتوبەدە وتكەن حالىقارالىق فورۋمدا دا بۇنداي قۋانىشتى جاڭالىقتى ايتقان بولاتىن.

«مەملەكەتتىك باعدارلامالاردىڭ ناتيجەسىندە قازاقستان حالقىنىڭ ورتاشا ءومىر ءسۇرۋ جاسى 72 گە جەتتى، حالىق سانى 18 ميلليوننان استى. قازاقستاندا دۇنيەجۇزىلىك ستاندارتقا ساي اۋرۋحانالار مەن ەمحانالار سالىنىپ، عالىمدارى، دارىگەرلەرى الەمنىڭ ۇزدىك ەمدەۋ ورتالىقتارىندا ءبىلىم الىپ، ەڭبەك جولىن ەلىمىزدە جالعاستىرىپ جاتىر»، - دەگەن ەدى اكىم ءوز سوزىندە.

ەسكە سالساق، 2015-جىلعى 1- قاراشاداعى جاعداي بويىنشا ەلىمىزدەگى حالىق سانى 17 ميلليون 630,7 مىڭ ادامدى قۇرادى. بۇل تۋرالى ۇلتتىق ەكونوميكا مينيسترلىگىنىڭ ستاتيستيكا كوميتەتىنەن حابارلانعان بولاتىن.

Countrymeters.info كورسەتكىشتەرى شىندىققا جاقىن بولۋى ابدەن مۇمكىن. قازاقستان ستاتيستيكا كوميتەتىنىڭ نەگىزگى الەۋمەتتىك-ەكونوميكالىق كورسەتكىشتەردىڭ سوڭعى دەرەكتەرى بويىنشا، حالىق 2016-جىلعى 1- مامىرعا 17 ميلليون 753 مىڭ 200 ءدى كورسەتكەن.

قازاقستان حالقىنىڭ ءبىر جىلدىق ءوسىمى 250 مىڭ ادامنان كوبىرەك دەڭگەيدە بولاتىن بولسا، ءبىز جىل اياعىنا دەيىن انىق 18 ميلليون كورسەتكىشىن كورىپ قالۋىمىز مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى