ۇلى بريتانيا 18- عاسىرداعى قارىزدارىنان قۇتىلماق
سونداي-اق لوندون ءتىپتى 1720-جىلى العان قارىزدىق مىندەتتەمەلەرىنەن دە قۇتىلۋدى كوزدەپ وتىر. سول كەزدە ءساتسىز اقشا ساۋداسىنىڭ سالدارىنان وڭتۇستىك تەڭىزدەر ساۋدا كومپانياسى بانكروتقا ۇشىرادى، ال ينۆەستور بولعان مىڭداعان بريتاندىق وزدەرىنىڭ داۋلەتىنەن ايىرىلدى. ەلدە قارجى داعدارىسى باستالدى، ول ۇلى بريتانيا ۇكىمەتىن حالىقارالىق نەسيە بەرۋشىلەرگە جۇگىنۋگە ماجبۇرلەدى.
قارجى ءمينيسترى دجوردج وسبورن 2015-جىلى ۇكىمەت ءبىرىنشى دۇنيەجۇزىلىك سوعىس كەزىندەگى قارىزدارىنان قۇتىلادى، بۇدان كەيىن XIX جانە XVIII عاسىرلاردا كورسەتىلگەن قارجىلىق كومەكپەن ەسەپتەسەدى، دەپ ناقتىلادى. ونىڭ ايتۋىنشا، ەل بيلىگى قوردالانىپ قالعان بەرەشەكتەردەن تومەن پايىز مولشەرلەمەلەرىمەن قۇتىلۋعا ءۇمىت ارتۋدا.
ۇلى بريتانيانىڭ تاريحي قارىزىنىڭ سوماسى 2,5 ميلليارد فۋنت ستەرلينگىنى قۇرايدى، دەپ اتاپ وتەدى Deutsche Welle. ال جالپى مەملەكەت قارىزى 1,4 تريلليون فۋنت ستەرلينگكە جەتكەن.
بۇدان بۇرىن ۇلى بريتانيا ۇكىمەتى 1927-جىلى ۋينستون چەرچيلل شىعارعان وبليگاتسيالار بويىنشا قارىزداردىڭ ءبىر بولىگىن وتەيتىنىن حابارلاعان بولاتىن، وندا ول قارجى ءمينيسترى بولعان ەدى. قۇندى قاعازدار ءبىرىنشى دۇنيەجۇزىلىك سوعىس، سونداي-اق قىرىم سوعىسى مەن ناپولەونعا قارسى ناۋقان كەزىندەگى قارىزداردى جابۋعا ورنالاستىرىلعان بولاتىن. قارجى مينيسترلىگى 2015-جىلعى 1 اقپانعا 218 ميلليون فۋنت ستەرلينگ تولەنەتىنىن جاريالادى.
