ەسكەرتكىشكە 18 مەترلىك قىزعىلت مۇشەقاپ كيگىزىلدى - فوتو

يدەيانىڭ اۆتورى - جاڭا وڭتۇستىك ۋەلستىڭ سپيد ماسەلەلەرى جونىندەگى كەڭەسى (ACON) . «بۇل ينستاللياتسيا كوپشىلىكتىڭ قىزىعۋشىلىعىن تۋعىزاتىنى بەلگىلى، ويتكەنى ءبىز وعان قالانىڭ ەڭ كورنەكى ورىندارىنىڭ بىرىندەگى نىساندى تاڭدادىق»، - دەپ مالىمدەدى ۇيىم وكىلى نيكولاس پاركحيلل. مۇشەقاپ كيگىزىلگەن ەسكەرتكىش قالانىڭ ەڭ تانىمال ورنى - حايد-پاركتە ورنالاسقان.

پاركحيللدىڭ ايتۋىنشا، بۇكىل الەمنىڭ عالىمدارى جاساپ جاتقان ءدارى-دارمەك سپيدكە قارسى كۇرەسكە كومەكتەسۋى مۇمكىن، ءبىراق اۋرۋدىڭ تارالۋىن توقتاتۋدا شەشۋشى كۇش بۇرىنعىسىنشا مۇشەقاپتا. ينستاللياتسيا 12- قاراشاعا دەيىن تۇرادى. ايتا كەتەيىك، 1- جەلتوقسان كۇنى سپيدكە قارسى كۇرەستىڭ بۇكىل الەمدىك كۇنى اتالىپ وتەدى.

بۇعان دەيىن سەمەيدە ءۇش مەترلىك مۇشەقاپ جاسالعانى حابارلانعان ەدى. قالانىڭ ورتالىق الاڭىندا «انتيسپيد» اتتى فلەشموب ءوتتى. ونداعان جاس جينالعان اكسيا كەزىندە ەرىكتىلەر ادامداردى «سپيدتەن» - ارنايى كوستيۋمدەگى كەيىپكەردەن قورعادى. ءۇش مەترلىك مۇشەقاپ ونى «اۋىزدىقتاۋعا» قولدانىلدى.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى