قازاق تىلىندەگى قىتاي راديوسى 18 ساعات حابار تاراتپاقشى

سول ۋاقىتتان بەرى بۇل راديو الىس-جاقىن شەتەلدەگى كوپتەگەن تىڭدارمانداردىڭ كوڭىلىنەن شىعىپ كەلەدى. قىتايداعى ورتالىق حالىق راديوستانساسى بەس ۇلتتىڭ تىلىندە سويلەيدى. سونىڭ ءبىرى - قازاقشا. «اۋە تولقىنىندا ورتالىق حالىق راديوستانساسى». وسىدان 43 جىل بۇرىن ءدال وسى ءسوزدى بەيجىڭدە تۇڭعىش رەت نۇرعايشا شامەل قىزى مەن قابىكەش ساليح ۇلى ايتقان. العاشىندا جارتى ساعات قانا حابار تاراتقان قازاق راديوسى ەندى اۋە تولقىنىنا 18 ساعات شىقپاق، دەپ جازادى 24.kz.

«بيىلدان باستاپ ءبىزدىڭ قازاق راديومىزدا سەكىرمەلى دامۋ جارىققا شىعىپ وتىر. بۇل سەكىرمەلى دامۋ دەيتىنىمىز ول 3 ساعاتتان 18 ساعاتقا ۇزارىپ، ارناۋلى ەفير بولماقشى»، - دەيدى قىتاي ورتالىق راديوستانساسى، ۇلتتار راديو ورتالىعى باسشىسىنىڭ ورىنباسارى قاناتبەك جۇماباي.

بۇعان دەيىن قازاق بولىمىندە 20 ادام بولسا، بۇگىندە 34 ادام جۇمىس ىستەيدى. رەداكسياعا نەگىزىنەن ءتىل فاكۋلتەتىن بىتىرگەن جاس مامانداردى العان. ولار بەيجىڭدە ءبىرشاما ءىس-تاجىريبەدەن وتكەن سوڭ ۇرىمشىدەگى بولىمشەگە جىبەرىلەدى. جاستار اۋە تولقىنىن قىزىقتى حابارلارمان تولتىرادى دەگەن ۇمىتتە.

راديو تولقىنى الىس-جاقىن شەتەلدەردىڭ ءبارىن قامتيدى. قازىر 34 مەملەكەتتە تىڭداۋعا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى