بوكستا جەتىستىككە جەتۋ ءۇشىن 18 جىل تەر توكتىم - سەرىك ساپيەۆ

«مەنىڭ سىزدەرگە ايتارىم، الدىعا ماقسات قويىپ، سوعان قاراي ۇمتىلۋ كەرەك. مەن بوكسقا 10 جاسىمدا كەلدىم، 28 جاسىمدا وليمپيادا چەمپيونى اتاندىم، ءوز ماقساتىما قول جەتكىزۋ ءۇشىن 18-جىل دايىندالدىم. باسىندا وليمپيادا تۋرالى ويلاعان دا جوقپىن. كەيىن سپورت شەبەرى نورماتيۆىن ورىنداعاننان كەيىن، ءوز مۇمكىندىكتەرىمدى سەزىنە باستادىم. سودان كەيىن بارىپ مەندە بوكستا ءبىر جەتىستىككە جەتۋ ماقساتى پايدا بولدى» ، - دەدى س.ساپيەۆ.

قيىندىققا تاپ بولعانعا مويىماۋدى دا ايتتى، ويتكەنى بولاشاق وليمپيادا چەمپيونىنىڭ دا العاشقى ويىندارى ءساتسىز وتكەن بولاتىن. ءبىراق ول وعان بولا بوكستى تاستامادى.

«ءبىز، سپورتشىلار، سالاۋاتتى ءومىر سالتىن ناسيحاتتاۋىمىز كەرەكپىز. قازاقستان سپورتپەن جاپپاي اينالىساتىن ەلگە اينالۋى ءتيىس. قازىردىڭ وزىندە ءتۇرلى سپورتتىق زالدارداعى جاتتىعۋلاردا وزدەرىنىڭ قول استىنداعىلار مەن جاستارعا ۇلگى بولىپ جۇرگەن باسشىلاردى كورىپ ءجۇرمىن. بۇل قۋانتارلىق جايت» ، - دەدى سەرىك ساپيەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى