ەرتىس وڭىرىندە «بيزنەستىڭ جول كارتاسىن» جۇزەگە اسىرۋعا 1896,3 ميلليون تەڭگە بولىنگەن

ونىڭ ىشىندە 1807,3 ميلليون تەڭگە نەسيە بويىنشا پايىزدىق مولشەرلەمەنى سۋبسيديالاۋعا، 46 ميلليون تەڭگە نەسيە بويىنشا كەپىلدىك ۇسىنۋ جانە 43 ميلليون تەڭگە گرانتتىق قارجىلاندىرۋعا باعىتتالعان، دەپ حابارلايدى pavlodarnews.kz.

بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا وبلىستىق كاسىپكەرلىك، ساۋدا جانە تۋريزم باسقارماسى باسشىسىنىڭ مىندەتىن اتقارۋشى دانيار شايماردانوۆ ايتتى.

- جىل باسىنان بەرى كاسىپكەرلىك ماسەلەلەر جونىندەگى وڭىرلىك ۇيلەستىرۋ كەڭەسىنىڭ 13 وتىرىسى ءوتتى، - دەدى دانيار شايماردانوۆ. - ناتيجەسىندە 263,84 ميلليون تەڭگەگە جەتى جوبا ماقۇلدانعان. «دامۋ» كاسىپكەرلىكتى قولداۋ قورى اق قارجى اگەنتتىگىمەن 24,1 ميلليون تەڭگەگە قارجىلاندىرىلعان. سونىمەن قاتار، 2017-جىلى جەتىسپەيتىن وندىرىستىك ينفراقۇرىلىمدى جەتكىزۋ بويىنشا 239,74 ميلليون تەڭگەگە ءۇش جوبا ماقۇلدانعان. اتالعان جوبالار جەرگىلىكتى بيۋجەت ەسەبىنەن بيىل جۇزەگە اسىرىلادى».

سپيكەردىڭ ايتۋىنشا، پاۆلودار اۋدانىنىڭ جاڭا قالا اۋىلىندا «جاڭا قالا» ش ق» ج ش س سۋ تاراتقىش، ەلەكتر تاراتۋ جەلىلەرىن قوسۋعا، سۋلاندىرعىش جۇيەسىنە كەشەندى ترانسفورماتورلىق قوسالقى ستانتسياسىن ورناتۋعا 166,9 ميلليون تەڭگە قاراستىرىلعان. وڭىرلىك ۇيلەستىرۋ كەڭەسىندە جەرگىلىكتى بيۋجەت ەسەبىنەن ۇزىندىعى 1,6 شاقىرىم سۋ قۇبىرى مەن سورعى ستانتسياسىنىڭ قۇرىلىسىنا 98 ميلليون تەڭگە، ەلەكترمەن قامتاماسىز ەتۋگە 68,9 ميلليون تەڭگە بولۋگە كەلىسىم بەرىلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى