باتىس قازاقستاندا ءۇيۋلى تۇرعان 187 توننا پىشەن وتقا وراندى

ب ق و ت ج د باسپا ءسوز قىزمەتىنەن تۇسكەن مالىمەتكە قاراعاندا، وقيعا 4- شىلدە كۇنى جاڭاجول اۋىلدىق وكرۋگىندە بولدى.

«ساعات 17.51 دە توقسانباي ەلدى مەكەنى ماڭىندا پىشەن جانىپ جاتقانى جونىندە حابار تۇسكەن. وقيعانى بارلاۋ بارىسىندا «ارۋجان» شارۋا قوجالىعى اۋماعىندا 450 شارشى مەتر الاڭدا ۇيىلگەن 187 توننا پىشەن مەن وعان قوسا قورانىڭ (اۋماعى 75 شارشى مەتر) ورتەنىپ جاتقانى انىقتالدى. زارداپ شەككەندەر جوق. ءورتتى سوندىرۋگە 11 ادام 3 تەحنيكامەن جۇمىلدىرىلدى. «ءتىلسىز جاۋ» 5 - شىلدە كۇنگى ساعات 4.28 دە وقشاۋلانىپ، 6.07 دە اۋىزدىقتالدى. قازىر ءورتتىڭ شىعۋ سەبەبى، كەلتىرىلگەن شىعىن انىقتالۋ ۇستىندە»، - دەپ حابارلادى ۆەدومستۆودان.

بۇل - قازتالوۆ اۋدانىنداعى وسىنداي ەكىنشى وقيعا. 22- ماۋسىم كۇنى ساعات 22.55 تە ءاجىباي اۋىلدىق وكرۋگى قىركول قىستاعىندا «باگيسوۆا» شارۋا قوجالىعى اۋماعىندا وتكەن جىلدان قالعان 237 توننا پىشەن (2500 شارشى مەتر) ورتەندى. وقيعا ورنىندا اقجايىق اۋدانى جاڭابۇلاق اۋىلىنىڭ تۇرعىنى، 1972 -جىلعى ەر ادام اۋىر كۇيىك جاراقاتىن الدى. ءورت 23- ماۋسىمدا ساعات 15.05 دە ءسوندىرىلدى. اۋداندىق اۋرۋحانادان تۇسكەن مالىمەت بويىنشا، دەنەسىنىڭ 85 پايىزىن كۇيىك شالعان ەر ادام 23- ماۋسىمدا ساعات 23.30 دا كوز جۇمدى.

ەسكە سالا كەتەيىك، بۇدان بۇرىن ورال اۋەجايىندا Toyota Ipsum اۆتوكولىگى جانىپ كەتكەنىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى