بيىل 180 گە جۋىق اۋىلعا ينتەرنەت تارتىلادى

«بايلانىس وپەراتورلارىنا شالعايداعى اۋىلدىق ەلدى مەكەندەردى بايلانىس جانە ينتەرنەتپەن قامتاماسىز ەتۋ ءۇشىن جەرۇستى بايلانىس ينفراقۇرىلىمىن قۇرۋ ەكونوميكالىق تۇرعىدان ءتيىمسىز. سوندىقتان اۋىلدار ينتەرنەتسىز قالىپ وتىر. جالپى، «قولجەتىمدى ينتەرنەت» ۇلتتىق جوباسى شەڭبەرىندە رەسپۋبليكالىق بيۋدجەتتەن قاراجات بولىنە وتىرىپ ءىس- شارا كوزدەلگەن. 2023 -جىلى 176 اۋىلدىق ەلدى مەكەندى قامتاماسىز ەتۋ ءۇشىن رەسپۋبليكالىق بيۋدجەتتەن قاراجات ءبولۋ ۇسىنىسى قولداۋ تاپتى»، - دەلىنگەن اشىق ن ق ا پورتالىندا جاريالانعان ۇكىمەت قاۋلىسىنىڭ جوباسىندا.

وسى جۇمىستاردى ىسكە اسىرۋ ءۇشىن سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنە مىنا قۇزىرەتتەر بەرىلمەك:

- توتەنشە جاعدايلار كەزىندە ۇيالى بايلانىسپەن قامتاماسىز ەتۋ ءۇشىن جىلجىمالى ۇيالى بازالىق ستانتسيالاردى پايدالانۋ قاعيدالارىن بەكىتۋ؛

- سپۋتنيكتىك تەحنولوگيالار ارقىلى اۋىلدىق ەلدى مەكەندەردى ينتەرنەتپەن قامتاماسىز ەتۋ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى