الەمدىك باعاداعى قۇبىلىس ەل بيۋدجەتىن 180 ميلليارد تەڭگەگە كەمىتتى - ن. نازاربايەۆ

بۇگىن جىل قورىتىندىسىنا ارناپ جۋرناليستەرگە بەرگەن سۇحباتىندا مەملەكەت باسشىسى نۇرسۇلتان نازاربايەۆ وسىلاي مالىمدەدى.

«ءبىزدىڭ سىرتقا شىعاراتىن تاۋارلارىمىز، ونىڭ ىشىندە مۇنايدىڭ باعاسى بىلتىرعى جىلدىڭ ورتاسىنداعى 140 دوللاردان 40 دوللارعا جاقىنداپ وتىر. تەك قانا بۇل ەمەس، سىرتقا شىعاراتىن مەتالدار، مۇناي مەن گاز باعاسى تومەندەدى. بۇل تومەندەۋ ءبىزدىڭ بيۋدجەتتى دە 180 ميلليارد تەڭگەگە كەمىتتى. بۇل اسا ۇلكەن اۋقىمدى قاراجات. وسىعان بايلانىستى نە ىستەۋىمىز كەرەك ەكەنىن انىقتاپ، ءبىز جۇمىس ىستەپ جاتىرمىز. ونىڭ بارلىعىن حالىققا ايتىپ تا وتىرمىز»، - دەدى ن. نازاربايەۆ.

ءسوز بارىسىندا بۇل قيىنشىلىق قازاقستانعا عانا ەمەس، الەمدىك دەڭگەيدە ەكەنىن تاعى دا قايتالاعان ەلباسى، دەگەنمەن ءبىزدىڭ ەلىمىز كوپ قيىنشىلىقتى باستان كەشىپ وتىرعانىن دا العا تارتتى.

«ا ق ش پەن ەۋروپا ەلدەرىنىڭ ەكونوميكاسى تومەندەگەنىمەن، ونشا قۇلدىراعان جوق. ال بىزگە قاتتى ءتيىپ تۇرعانى رەسەيدىڭ جاعدايى. ونىڭ ەۋروپامەن قايشىلىعى، كەيىننەن بۇعان تۇرىكتەرمەن اراداعى شيەلىنىسى قوسىلدى. قىتايداعى احۋال دا بىزگە اسەرىن تيگىزبەي قويمايدى»، - دەدى ن. نازاربايەۆ.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى