پارادقا 180 نەن استام اسكەري قىزمەتشى قىز- كەلىنشەك قاتىسادى
دەپ جازادى ق ر ق م رەسمي سايتىندا.
جالپى سانى 186 پارادقا قاتىسۋشى قىز- كەلىنشەك ىرىكتەلىپ الىندى. ولاردىڭ ىشىندە 32 ءسى اسكەري قىزمەتشى سانيتارلىق نۇسقاۋشى ۇلگىسىندە كيىنىپ، پارادتىڭ سوعىس كەزەڭىندەگى تاريحي بولىمىندەگى روتا قۇرامىندا بولسا، ال قالعان 154 اسكەري قىزمەتشى پارادتىڭ قازىرگى زامانعى بولىمىندە الاڭدا قازاقستاندىق اسكەري جوعارعى وقۋ ورىندارىنىڭ كۋرسانتتارىنان كەيىن جەكە جاياۋ ساپپەن ادىمدايتىن بولادى.
اسكەري قىز- كەلىنشەكتەر قازاقستاننىڭ ءتورت وڭىرلىك قولباسشىلىعىنان، قارۋلى كۇشتەردىڭ بارلىق تۇرلەرى مەن اسكەر تەكتەرىنىڭ اسكەري بولىمدەرىنەن، سونداي- اق ق ر قورعانىس مينيسترلىگىنىڭ ورتالىق اپپاراتىنان جينالعان. وسى ۋاقىتقا دەيىن اسكەري قىزمەتشىلەر جەكە- جەكە جاتتىقتى. ولار جەرگىلىكتى جەرلەردە ساپتىق جارعىعا سايكەس ساپ قۇرامىندا ءبىرىڭعاي قارقىن مەن ىرعاقتى، ساپ تۇزۋلىگىن ساقتاي وتىرىپ، جيناقى جانە سەرپىندى ادىمداۋعا دايىندالدى. قازىر ولار ءبىر لەكتە بىرلەسكەن جاتتىعۋعا كىرىسۋگە دايىن.
