قازاقستاندا ءبىر جىلدا ينفلياتسيا 18,8 پايىزعا جەتتى - ستاتيستيكا
وعان سايكەس، 2022-جىلدىڭ قازان ايىندا ايلىق ينفلياتسيا 1,6 پايىز قۇرادى.
2022-جىلدىڭ قىركۇيەگىمەن سالىستىرعاندا قازان ايىندا ازىق-تۇلىككە جاتپايتىن تاۋارلار مەن اقىلى قىزمەتتەر ءارقايسىسى 1,7 پايىز، ازىق-تۇلىك تاۋارلارى 1,4 پايىز قىمباتتادى.
ازىق-تۇلىككە جاتپايتىن تاۋارلاردىڭ ىشىندە جۋۋ جانە تازالاۋ قۇرالدارىنىڭ باعاسى ەڭ كوپ كوتەرىلدى - 5 پايىزعا، كيىم مەن اياق كيىم، جەكە تاۋارلار، تۇرمىستىق تاۋارلار 2,1 پايىزعا، ىدىس-اياق 1,9 پايىزعا، توقىما بۇيىمدارى 1,7 پايىز قىمباتتادى.
تاس كومىر باعاسى 2,1 پايىز، وتىن 1,7 پايىز ءوستى.
اقىلى قىزمەتتەردىڭ باعا دەڭگەيى وتكەن ايدا 1,7 پايىز كوتەرىلدى.
ونىڭ ىشىندە قوناق ءۇي قىزمەتتەرى 6 پايىزعا، كەشەندى دەمالىس ۇيىم قىزمەتتەرى 4 پايىزعا، دەمالىس جانە سپورت سالاسىنداعى ءىس-شارالار قىزمەتى 3,3 پايىزعا، مونشا قىزمەتى 3 پايىزعا، بالالاردى دامىتۋ ورتالىقتارىنىڭ قىزمەتتەرى 2,9 پايىزعا، قوعامدىق تاماقتاندىرۋ قىزمەتى 2,2 پايىزعا قىمباتتادى.
ازىق-تۇلىك تاۋارلارىنىڭ باعاسى 2022-جىلعى قازاندا 1,4 پايىزعا ءوستى. ونىڭ ىشىندە قىزاناق - 21 پايىز، قيار - 14,7 پايىز، جۇمىرتقا - 6,3 پايىز، بالىق جانە تەڭىز ونىمدەرى - 2,3 پايىز، توقاش جانە ۇن ونىمدەرى - 2,2 پايىز، سالقىنداتىلعان سۋسىندار - 1,9 پايىز، ىرىمشىك جانە سۇزبە 1,8 پايىزعا قىمباتتادى. كەرىسىنشە ءسابىز باعاسى 5,6 پايىزعا، قىزىلشا - 5,5 پايىز، پياز - 5,1 پايىز، كارتوپ - 3,5 پايىز، قىرىققابات - 2,6 پايىز، قۇمشەكەر 2,3 پايىزعا ارزاندادى.
2022-جىلعى قازاندا جىلدىق ينفلياتسيا مولشەرى 18,8 پايىز قۇرادى. ازىق-تۇلىك تاۋارلارىنىڭ باعاسى 23,1 پايىز، ازىق-تۇلىككە جاتپايتىن تاۋارلار 17,9 پايىز، اقىلى قىزمەتتەر 13,5 پايىز ءوستى.
