ىشكى ىستەر ورگاندارىنىڭ 18 قىزمەتكەرى قازا تاپتى، 748 پوليتسەي جاراقات العان
ۆەدومستۆونىڭ مالىمەتىنە سەنسەك، قۇقىق قورعاۋ ورگاندارى وڭىرلەردە ءتارتىپتى قالپىنا كەلتىرۋگە، بۇلىكشىلەردى ۇستاپ، باسىپ الىنعان نىسانداردى بوساتۋعا جانە ماڭىزدى ستراتەگيالىق نىسانداردى قورعاۋعا بارىنشا كۇش سالىپ جاتىر.
«قازاقستان استاناسى نۇر- سۇلتاندا، شىمكەنتتە جانە پاۆلودار، تۇركىستان، اقمولا، سولتۇستىك قازاقستان وبلىستارىندا جاعداي تۇراقتى. بۇگىندە الماتىداعى احۋال كۇردەلى كۇيىندە قالىپ وتىر. ول جەردە ءبىرقاتار مەملەكەتتىك ورگانداردى، قارجى ۇيىمدارى، تەلەكومپانيالار مەن ساۋدا نىساندارىن قارۋلى توپ باسىپ الىپ، ءىشىنارا تالقانداعان. اتىراۋ، ماڭعىستاۋ، باتىس قازاقستان جانە اقتوبە وبلىستارىندا ءبىرقاتار اۆتوجولدار جانە ءبىر تەمىر جول جابىلعان. ايماقتاردا پوليسيا جاساعى مەن ۇلتتىق ۇلان قىزمەتكەرلەرىنىڭ پاترۋلى كۇشەيتىلگەن، بلوكپوستار قويىلعان»،- دەپ ءمالىم ەتتى مينيسترلىكتەن.
ءى ءى م مالىمەتىنشە، قارۋلى كۇشتەردىڭ 18 قىزمەتكەرى قازا تاپتى. 2298 ادام ۇستالدى. ىشكى ىستەر ورگاندارى مەن ۇلتتىق ۇلاننىڭ 748 قىزمەتكەرى جاراقات العان.
