قازاقستان حالقىنىڭ سانى 18 ميلليون 177 مىڭ ادامدى قۇرادى
سونىڭ ىشىندە قالالىقتار 10439,6 مىڭ (%57,4)، اۋىلدىقتار - 7738,1 مىڭ ادامدى (%42,6) قۇرادى.
ا ح ا ت ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2018-جىلعى قاڭتاردا 33,3 مىڭ ءسابي تۋعان، بۇل 2017-جىلعى قاڭتارعا قاراعاندا %4,4 كوپ. تۋۋدىڭ جالپى كوەففيتسيەنتى 1000 ادامعا 21,42 تۋىلعانداردى قۇرادى.
2018-جىلعى قاڭتاردا رەسپۋبليكا حالقىنىڭ تابيعي ءوسىمى 2017-جىلعى قاڭتارمەن سالىستىرعاندا 2,5 مىڭ ادامعا نەمەسە %13,1 كوبەيىپ، 21,5 مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا 13,83 ادامدى قۇرادى.
2018-جىلعى قاڭتاردا رەسپۋبليكادا 1 جاسقا دەيىنگى 317 نارەستە ءولىمى تىركەلدى. 2017-جىلعى قاڭتارمەن سالىستىرعاندا 1 جاسقا دەيىنگى شەتىنەگەن نارەستە سانى %7,1 كوبەيدى.
نارەستە ءولىم-ءجىتىمىنىڭ نەگىزگى سەبەبى - پەريناتالدىق كەزەڭدە پايدا بولاتىن جاعدايلار، بۇدان 2018-جىلعى قاڭتاردا 146 نارەستە قايتىس بولىپ، نارەستەلەر اراسىنداعى جالپى ءولىم سانىنىڭ %46,1 قۇرادى. تۋا بىتكەن اۋىتقۋلاردان 64 نەمەسە %20,2، تىنىس ورگاندارى اۋرۋلارىنان - 29 نەمەسە %9,1 جانە جازاتايىم جاعدايدان، ۋلانۋدان جانە جاراقاتتان - 11 نەمەسە نارەستەەردىڭ %3,5 پروتسەنتى قايتىس بولدى.
2018-جىلعى قاڭتاردا نارەستە ءولىم-ءجىتىمىنىڭ كوەففيتسيەتى 1000 سابيگە شاققاندا 9,53 نارەستەنى قۇرادى.
كوشى-قون قىزمەتى ورگاندارى ۇسىنعان مالىمەتتەردى وڭدەۋ ناتيجەسىندە، 2018-جىلعى قاڭتاردا ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى 2017-جىلعى قاڭتارمەن سالىستىرعاندا %9,2 كەمىپ، 1360 ادام قۇرادى. ەلىمىزدەن كەتكەن كوشىپ-قونۋشىلاردىڭ تىركەلۋ سانى %34,9 كوبەيىپ، 2258 ادام قۇرادى.
ەلىمىزدەگى نەگىزگى كوشى-قون الماسۋى ت م د مەملەكەتتەرىمەن بولۋدا.
ت م د ەلدەرىنەن كەلگەندەردىڭ ۇلەسى 78,1%؛
ت م د ەلدەرگە كەتكەندەردىڭ ۇلەسى 86,7% قۇرادى.
ءوڭىرارالىق كوشىپ-قونۋشىلاردىڭ ۇلەسىنە ەلىمىزدىڭ جالپى ىشكى كوشىپ-قونۋشىلار سانىنىڭ %33,3 كۇرادى. ءوڭىرارالىق كوشى-قوننىڭ وڭ ايىرىمى:
استانا قالاسى - 1058 ادام؛
الماتى قالاسى - 3549 ادام؛
اقمولا وبلىسى - 157 ادام؛
ماڭعىستاۋ وبلىسى - 26 ادام.
