قاراعاندىدا كونتراباندالىق تەمەكىنىڭ 17 مىڭنان استام قورابى تاركىلەندى
«16-ماۋسىمدا قاراعاندى قالاسى بازارلارىنىڭ اۋماعىندا ءارتۇرلى ماركالى تەمەكى تۇرىندەگى ونىمدەردى سايكەستەندىرۋ قۇرالدارىنسىز (اكتسيزدىك ماركالار) ساتۋ فاكتىلەرى بەلگىلى بولدى.
ا ق ش، قىرعىزستان جانە رەسەي وندىرىسىنەن الىنعان كونترافاكتىلىك ءونىمنىڭ جالپى سانى 17 مىڭنان استام قورابىن قۇرادى. انىقتالعان فاكتىلەر بويىنشا اكىمشىلىك ءىس قوزعالىپ، سوتتا قارالاتىن بولادى، ال الىپ قويىلعان تەمەكى ونىمدەرى تاركىلەنىپ، جويىلادى»، - دەپ جازدى ۆەدومستۆودان.
بۇعان دەيىن دەپارتامەنت قىزمەتكەرلەرى 3000 عا جۋىق ەلەكتروندى تەمەكىنى، قۇرامىندا نيكوتين بار ەرىتىندىلەردى، سونداي- اق كاليانعا ارنالعان تەمەكىنى زاڭسىز ساتۋ فاكتىلەرىن انىقتاعان بولاتىن.
