وزبەكستان 17 مىڭنان اسا شەنەۋنىكتى قىسقارتىپ، مەملەكەت قارجىسىن ۇنەمدەمەك

وزبەكستان پرەزيدەنتى شاۆكات ميرزيەيەۆ «رەسپۋبليكانىڭ اتقارۋشى بيلىك ورگاندارىنىڭ قىزمەتىن ءتيىمدى جولعا قويۋ جونىندەگى باستاپقى ۇيىمداستىرۋ شارالارى تۋرالى» ءتيىستى جارلىققا قول قويدى، دەپ حابارلايدى قازاقپاراتتىڭ مەنشىكتى ءتىلشىسى.

قۇجاتقا سايكەس، مينيسترلىكتەر مەن ۆەدومستۆولاردا بيۋجەتتىك جانە بيۋجەتتىك ەمەس قاراجات ەسەبىنەن قارجىلاندىرىلاتىن باسشى جانە وندىرىستىك پەرسونالدان بارلىعى 17447 ادام قىسقارتىلادى.

بۇل - مەملەكەتتىك قىزمەتشىلەردىڭ جالپى سانىنىڭ 24 پايىزى.

سونىڭ ىشىندە مينيسترلىكتەر مەن ۆەدومستۆولار باسشىلارىنىڭ ورىنباسارلارىنىڭ سانى 207 دەن 144 كە نەمەسە %30 عا قىسقارتىلدى.

مينيسترلىكتەر مەن ۆەدومستۆولار قىزمەتكەرلەرىنىڭ جالپى سانى 56573 شتاتپەن شەكتەلگەن.

قاۋلىدا مينيسترلىكتەر مەن ۆەدومستۆولاردىڭ بيۋجەتتىك ەمەس قاراجات ەسەبىنەن باسشى پەرسونالدىڭ قوسىمشا شتات ەنگىزۋىنە ءۇزىلدى-كەسىلدى تىيىم سالىنادى.

مەملەكەتتىك اپپاراتتى رەفورمالاۋ ناتيجەسىندە 703 قىزمەتتىك كولىك پەن 10 عيمارات بوساتىلدى.

الدىن الا بولجام بويىنشا، قىزمەتكەرلەردى قىسقارتۋ 1,5 تريلليون سۋمدى (132 ميلليون دوللار) ۇنەمدەيدى.

قىزمەتتىك كولىكتەر سانىن ازايتۋ بيۋجەتتى تاعى 70 ميلليارد سۋم (6 ميلليون دوللار) ۇنەمدەيدى.

ايتا كەتەيىك، وزبەكستان باسشىسى پارلامەنتكە جىل سايىنعى جولداۋىندا مەملەكەتتىك باسقارۋ سالاسىندا اۋقىمدى رەفورما جۇرگىزىلەتىنىن، ونىڭ ىشىندە مينيسترلىكتەر مەن ۆەدومستۆولار سانىن قازىرگى 61 دەن 28 گە دەيىن قىسقارتاتىن جاڭا رەفورما جاريالاعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى