سولتۇستىك قازاقستاندا 17 ادام كەڭەس وداعىنىڭ پاسپورتىمەن ءومىر ءسۇرىپ كەلگەن
ايىرتاۋ اۋدانىنىڭ 44 جاستاعى تۇرعىنى جەكە كۋالىگىن العاش رەت الدى.
قۇجاتىن كوشى- قون قىزمەتىنىڭ قىزمەتكەرى مەن ۋچاسكەلىك ينسپەكتور اكەلىپ بەرگەن. ەندى ول قاجەتتى ەمىن، الەۋمەتتىك قىزمەتتەردى الا الادى.
ايەل ءوزىنىڭ قۇقىقتىق مارتەبەسىن ۋاقتىلى رەتتەگەن جاعدايدا، مۇنداي ماسەلە تۋىنداماس ەدى.
الايدا ايەلدىڭ ايتۋىنشا، وسى كۇنگە دەيىن وعان جەكە قۇجاتتارى قاجەت بولماعان.
اۋىلدىق ورتا مەكتەپتى اياقتاعان سوڭ ەش جەردە وقىماعان، ۇزاق ۋاقىت اقمولا وبلىسىندا تۇرىپ، كەزدەيسوق ناپاقامەن كۇنىن كورىپ كەلگەن.
تۋعان اۋىلىنا كەلگەنىنە كوپ بولماپتى. ونىڭ قۇجاتسىز ءومىر ءسۇرىپ جاتقانىن ۋچاسكەلىك پوليتسيا ينسپەكتورى ماۋسىم ايىندا ءۇي-ءۇيدى ارالاۋ كەزىندە انىقتاعان.
كوشى-قون قىزمەتكەرلەرى ونى ق ر ازاماتى دەپ تانۋ جانە قۇجاتتاردى رەسىمدەۋ بويىنشا شارا قابىلدادى.
س ق و پ د كوشى-قون قىزمەتى باسقارماسى باستىعىنىڭ مىندەتىن اتقارۋشى ەرمەك نۇسىربايەۆتىڭ ايتۋىنشا، جەكە باسىن كۋالاندىراتىن قۇجاتسىز تۇراتىن ادامداردى انىقتاۋ جۇمىسىن قىزمەتكەرلەر ۋچاسكەلىك ينسپەكتورلارمەن بىرگە تۇراقتى نەگىزدە جۇرگىزەدى.
جىل باسىنان بەرى 39 ادامنىڭ ازاماتتىعى انىقتالدى. ونىڭ بارلىعى ق ر ازاماتتارى دەپ تانىلدى.
22 سى 18 جاسقا تولعاننان كەيىن جەكە قۇجاتتارىن ۋاقتىلى الماعان، قالعاندارى 1974 -جىلعى ۇلگىدەگى پاسپورتىمەن تۇرعان.
