استانالىقتار 17- قىركۇيەكتە جالپى قالالىق سەنبىلىككە شىعادى
ايلىق اياسىندا كوممۋنالدىق قىزمەتتەر مەن مەردىگەر ۇيىمدار كەلەسى جۇمىستاردى اتقاراتىن بولادى: قوعامدىق اۋماقتاردى كوگالداندىرۋ جانە اباتتاندىرۋ، كوگالداندىرۋ وبەكتىلەرىن (ساياباقتار، سكۆەرلەر، اللەيالار) جوندەۋ جانە قالپىنا كەلتىرۋ، كۆارتالىشىلىك اباتتاندىرۋ، بالالاردىڭ ويىن جانە سپورت الاڭدارىن جابدىقتاۋ، توسەلگەن تاستاردى، جيەكتاستاردى، شاعىن ساۋلەت نىساندارىن قالپىنا كەلتىرۋ، كوپىرلەر مەن جول وتپەلەرىنىڭ قۇرىلىمدارىن، قورشاۋلارىن جۋۋ، ايالدامالارداعى پاۆيلونداردى جوندەۋ جانە تازالاۋ، كونتەينەر الاڭدارى مەن قوقىس كونتەينەرلەرىن سانيتارلىق تازالاۋ جانە تاعى باسقاسى.
سونىمەن قاتار 10 مىڭنان استام جاسىل جەلەك وتىرعىزۋ جوسپارلانعان.
ال 17- قىركۇيەك كۇنى جىل سايىنعى «دۇنيەجۇزىلىك تازالىق كۇنى (World Cleanup Day 2022)» ەكولوگيالىق اكسياسى اياسىندا استانادا جالپى قالالىق سەنبىلىك وتەدى.
اكسيانىڭ ماقساتى - قوعام نازارىن تابيعاتتى ساقتاۋدىڭ ماڭىزدىلىعىنا اۋدارۋ جانە ەكولوگيالىق مادەنيەتتى قالىپتاستىرۋ.
«ەلوردا تۇرعىندارى مەن قوناقتارىن، وقۋشىلار مەن ستۋدەنتتەردى، شاعىن جانە ورتا كاسىپكەرلىك سۋبەكتىلەرىن، سونداي-اق ۆولونتەرلەر مەن ەكولوگيالىق ۇيىمداردى جالپى قالالىق سەنبىلىككە قاتىسۋعا شاقىرامىز»، - دەلىنگەن ەلوردا سايتىندا.
