الماتى-قورعاس تاسجولىندا 17 كولىك سوقتىعىستى

«الماتى وبلىستىق پوليتسيا دەپارتامەنتى 25-جەلتوقساندا ساعات 10-00 شاماسىندا «الماتى- قورعاس» اۆتوجولىنىڭ 134-شاقىرىمىندا جولدى قالىڭ تۇمان باسۋىنا بايلانىستى جولدا 17 اۆتوكولىكتىڭ سوقتىعىسقانىن حابارلادى. جول اپاتى كەزىندە 5 ادام زارداپ شەگىپ، ولار شەلەك اۋىلىنىڭ اۋماقتىق اۋرۋحاناسىنا جەتكىزىلدى»، - دەلىنگەن الماتى وبلىسى پ د باسپا ءسوز قىزمەتىنىڭ رەسمي حابارلاماسىندا.

ۆەدومستۆونىڭ اقپاراتىنا سايكەس، وقيعا ورنىندا پاترۋلدىك پوليتسەيلەر قىزمەت اتقارۋدا. اتالعان اۆتوجولدىڭ 84 شاقىرىمىنان باستاپ، 136 شاقىرىمىنا دەيىن جابىلدى.

«قۇرمەتتى جۇرگىزۋشىلەر، قوزعالىس كەزىندە وتە مۇقيات بولۋلارىڭىزدى جانە قاۋىپسىزدىك تالاپتارىن قاتاڭ ساقتاۋلارىڭىزدى سۇرايمىز!. جىلدامدىق ءتارتىبىن بۇزباۋ جانە اراقاشىقتىقتى ساقتاپ، جول ەرەجەسىن ەستەن شىعارماۋ قاجەتتىلىگىن ەسكە سالامىز!»، - دەپ تولىقتىردى ۆەدومستۆونىڭ باسپا ءسوز قىزمەتى.

اۆتور: سامال قابىشەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى