مينيستر «17 ادامنان زورلاندىم» دەگەن وقۋشىنىڭ ءىسى تۋرالى پىكىر ءبىلدىردى
«ونى 17 ەر ادام زورلاعانىنا سەنىمدىسىز بە؟ قىز جوعالىپ كەتتى، ءبىر كۇن بولعان جوق. وپەراتسيا كەزىندە ول تابىلىپ، اناسىنا قايتارىلدى. سول كۇنى ەشقانداي ارىز، شاعىم بولعان جوق. ءبىر كۇن وتكەن سوڭ، ارىز ءتۇستى. سودان كەيىن قىزدىڭ اناسى وتىنىشىنەن باس تارتتى. تەك بىرنەشە كۇننەن كەيىن الەۋمەتتىك جەلىلەردە 17 ەر ادامنىڭ زورلاعانى تۋرالى مالىمدەمە پايدا بولدى»، - دەدى تۇرعىمبايەۆ ءماجىلىس سىرتىندا.
ول جاڭا ءوتىنىشتى پوليتسيا تىركەگەنىن ايتتى.
«تەكسەرۋگە مىندەتتىمىز جانە جابىرلەنۋشىگە قاتىستى ءبىرقاتار مەديتسينالىق ساراپتاما جۇرگىزىلىپ جاتىر. وسى تەكسەرۋ قورىتىندىسى بويىنشا شەشىم قابىلدانادى»، - دەدى ول.
ەسكە سالايىق، تۇركىستان وبلىسىنىڭ تۇرعىنى كامەلەتكە تولماعان قىزىن بىرنەشە ەر ادام زورلاعانىن مالىمدەگەن بولاتىن. جانتۇرشىگەرلىك وقيعا بيىل ماۋسىمدا بولعان، ءبىراق ەندى عانا جاريا بولدى.
