موتورلى قايىق ايەلدىڭ باسىن جۇلىپ كەتكەن: سوت 17 جاستاعى دەپۋتاتتىڭ ۇلىنا ۇكىم شىعاردى

سۋديا جانار ەشپانوۆانىڭ توراعالىعىمەن وتكەن سوت ارتەم كرىلوۆتى ابايسىزدا ادام ولىمىنە اكەپ سوققان ارەكەتى ءۇشىن كىنالى دەپ تانىپ، وعان ءبىر جىلعا باس بوستاندىعىن شەكتەۋ جازاسىن تاعايىندادى.

سوت وتىرىسى جەڭىلدەتىلگەن تارتىپتە ءوتتى، ويتكەنى ايىپتالۋشى كىنانى مويىندادى. ارتەم كرىلوۆ 5 - تامىزدان 22 - قىركۇيەككە دەيىن قاماۋدا بولدى.

سوت ۇكىمى زاڭدى كۇشىنە ەنگەن جوق جانە وعان شاعىم تۇسىرۋگە بولادى.

ەسكە سالايىق، قايعىلى وقيعا 2020 -جىلدىڭ 6 - ماۋسىمىندا كەشكە شاعان وزەنىنىڭ جاعاسىندا بولدى. وزەندە شومىلىپ جۇرگەن ەكاتەرينا انانيەۆانى جوعارى جىلدامدىقپەن كەلگەن كاتەر سوعىپ كەتكەن.

5-تامىزدا قىلمىس جاسادى دەگەن كۇدىكتى - 17 جاسار ارتەم كرىلوۆ قاماۋعا الىندى. دەپۋتاتتىڭ وتباسىنا تيەسىلى قايىقتىڭ قوزعالتقىشىنان مارقۇم ايەلدىڭ شاشى مەن قانى تابىلدى. سوت كۇدىكتىنى قاماۋعا الۋعا سانكتسيا بەردى. ءىس ۇلكەن قوعامدىق رەزونانس تۋدىردى.

بۇعان دەيىن ارتەم كرىلوۆ وبلىستىق ءماسليحات دەپۋتاتى جانە وڭىرگە تانىمال كاسىپكەر ۆالەري كرىلوۆتىڭ ۇلى ەكەنى حابارلانعان.

stan.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى