گۇلشارا ءابدىقالىقوۆا بايقوڭىر عارىش ايلاعىنان «سويۋز م س-17» كەمەسىنىڭ ۇشىرىلۋىن تاماشالادى
ايماق باسشىسى «روس كوسموس» مەملەكەتتىك كورپوراتسياسىنىڭ باس ديرەكتورى دميتريي روگوزينمەن كەزدەسىپ، عارىش كەمەسىن ۇشىرۋعا قاتىسۋعا شاقىرعانى ءۇشىن ريزاشىلىعىن ءبىلدىرىپ، قۇرمەتىن جەتكىزدى. سونىمەن بىرگە زىمىراندى ۇشىرۋعا جۇمىلدىرىلعان مامانداردى قۇتتىقتادى.
- بۇگىنگى ۇشىرىلىم وتە ماڭىزدى، ويتكەنى كەمە بورتينجەنەرى سەرگەي ۆلاديميروۆيچ - ءبىزدىڭ جەرلەسىمىز، بايقوڭىر قالاسىنىڭ تۋماسى. سونداي- اق، عارىش كەمەسىنىڭ ۇشىرىلعان كۇنى ناسا استروناۆتى كەتلين رۋبينستىڭ تۋعان كۇنىنە سايكەس كەلدى. مەن ولارعا مىقتى دەنساۋلىق، ساتتىلىك، جۇمساق ءتۇيىسۋ جانە قويىلعان مىندەتتەردى ويداعىداي ورىنداۋدى تىلەيمىن. ءسىزدىڭ كاسىبي شەبەرلىگىڭىز بەن بىلىكتىلىگىڭىزدىڭ ارقاسىندا بۇگىنگى ۇشىرىلىم ءساتتى اياقتالعانىن دا اتاپ وتكىم كەلەدى. بارشاڭىزعا دەنساۋلىق، سارقىلماس قۋات، بارلىق ىستەرىڭىزگە ساتتىلىك تىلەيمىن، ءومىرىڭىز وشاق جىلۋى مەن وتباسىڭىز بەن دوستارىڭىزدىڭ سۇيىسپەنشىلىگىنە تولى بولسىن، - دەدى وبلىس اكىمى گۇلشارا ءابدىقالىقوۆا.
ايتا كەتەيىك، «سويۋز م س-17» عارىش كەمەسىن رەسەي فەدەراتسياسىنىڭ 121- عارىشكەرى سەرگەي رىجيكوۆ، عارىشكەر- سىناقشى سەرگەي ۆلاديميروۆيچ پەن ناسا استروناۆتى، 339- ا ق ش استروناۆتى جانە 549- الەم استروناۆتى كەتلين كەيت باسقارادى.
عارىش زىمىرانىن ۇشىرۋ ساتىنەن كەيىن وبلىس اكىمى گۇلشارا ءابدىقالىقوۆا مەن «روس كوسموس» مەملەكەتتىك كورپوراتسياسىنىڭ باس ديرەكتورى دميتريي روگوزينمەن ءبىرقاتار ماسەلەلەر جونىندە سويلەستى.
