الماتى وبلىسىندا ۇرلانعان 17 جىلقى مال بازارىنان تابىلدى
الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 9 - قازاندا جامبىل اۋدانى پوليتسيا ءبولىمىنىڭ كەزەكشى بولىمىنە كەڭساي اۋىلىنىڭ 76 جاستاعى تۇرعىنى ارىزدانىپ، 2 - قازاننان 3 - قازانعا قاراعان ءتۇنى جايىلىمنان 17 جىلقىسىنىڭ ۇرلانعانىن ايتقان. شىعىننىڭ جالپى كولەمى 12 ميلليون تەڭگەدەن استام قارجىعا باعالانعان. اتالعان دەرەك ق ر ق ك 188-بابىنىڭ 4-بولىگى 2-تارماعى بويىنشا تىركەلدى.
«بىرلەسكەن كەڭ اۋقىمدى جەدەل- ىزدەستىرۋ شارالارىنىڭ بارىسىندا كورشىلەس جامبىل وبلىسىنىڭ تاراز قالاسىنداعى مال بازارىنان جابىرلەنۋشى تانىعان، ۇرلانعان 11 جىلقى تابىلىپ، تاركىلەندى. ىزدەۋدى جالعاستىرعاننان كەيىن تۇركىستان وبلىسى سايرام اۋدانىنىڭ ارىس اۋىلىنان جابىرلەنۋشى تانىعان تاعى ەكى جىلقى تابىلىپ، تاركىلەندى. الىپساتارلار انىقتالىپ، ولار ارقىلى تاعى ەكى قۇلىن مەن بيە تاراز قالاسىنداعى جەكە تۇلعالاردان تابىلدى. ىزدەۋ باستالعاننان كەيىنگى ەكىنشى كۇنى پوليتسيا قىزمەتكەرلەرى 17 جىلقىنى ۇرلاعانىن مويىنداعان جامبىل اۋدانى قاراقاستەك اۋىلىندا تۇراتىن ق ح ر 37 جاستاعى تۋماسىن تاۋداعى جايىلىمنان ۇستادى» دەيدى جامبىل ا پ ب باستىعى، پوليتسيا پولكوۆنيگى اسحات تەگەنبايەۆ.
بارلىق مال زاڭدى يەسىنە قايتارىلدى. كۇدىكتى ۋاقىتشا ۇستاۋ وقشاۋلاعىشىنا قاماققا الىندى. جەدەل ۋاكىلدەر ۇستالعان ادامنىڭ باسقا دا وسىعان ۇقساس قىلمىستارعا قاتىسى بار- جوعىن تەكسەرىپ جاتىر.
اۆتور: سامال قابىشيەۆا
