قازاقپارات كۇنتىزبەسى: 17-شىلدە
اتاۋلى كۇندەر
حالىقارالىق ءادىل سوت نەمەسە دۇنيەجۇزىلىك حالىقارالىق قىلمىستىق ءادىل سوت كۇنى
1998-جىلى 17- شىلدەدە حالىقارالىق قىلمىستىق ءىستىڭ ريم ستاتۋتى قابىلدانعاندىقتان بۇل مەرەكە وسى كۇنى اتاپ وتىلەدى. ءار جىلى ءار ەلدىڭ قۇقىق قورعاۋشىلارى وسى كۇنگە ارنالعان ءتۇرلى شارا وتكىزەدى.
ريم ستاتۋتى - حالىقارالىق قىلمىستىق سوتتىڭ نەگىزگى قۇجاتى. بۇل قۇجاتپەن جۇمىس 1948 -جىلى باستالعان. تەك جارتى عاسىردان كەيىن عانا ول رەسمي قابىلدانعان. وعان 111 مەملەكەت مۇشە.
ەستە قالار وقيعالار
1998-جىلى قازاقستان مەن قىرعىزستان رەسپۋبليكالارى اراسىنداعى مەملەكەتتىك شەكارانى مەجەلەۋ تۋرالى مەموراندۋمعا قول قويىلدى.
2006-جىلى قازاقستاننىڭ ۇلتتىق بانكى «قازاقستان پەتروگليفتەرى» سەرياسى بويىنشا «كۇيمە» دەگەن اتاۋمەن كوللەكتسيالىق كۇمىس شاقانى ساتىلىمعا شىعاردى. شاقانىڭ ديزاينىندا ءبىزدىڭ داۋىرىمىزگە دەيىنگى Ⅱ مىڭجىلدىقتىڭ ەكىنشى جارتىسىنان بىزگە جەتكەن «كۇيمە» پەتروگليفىنىڭ دەتالى قولدانىلعان.
نومينالى 500 تەڭگەلىك شاقا 3 مىڭ دانامەن شىعارىلعان، ولاردىڭ ءارقايسىسىنىڭ باعاسى - 3 مىڭ تەڭگە. بۇل مونەتا - «قازاقستان پەتروگليفتەرى» سەرياسى بويىنشا شىعارىلىپ وتىرعان جەتىنشى شاقا. ونىڭ سالماعى - 24 گرام، ديامەترى - 37 م م. ساپا سەرتيفيكاتىنا يە.
2013-جىلى پاۆلودارداعى وقۋشىلار سارايىنىڭ «بلەيز» ەسترادالىق ءبي ستۋدياسىنىڭ ۇجىمى يسپانيانىڭ للورەت دە مار قالاسىندا وتكەن «تەڭىز، كۇن، فەستيۆال» حالىقارالىق بايقاۋىنا قاتىستى. بايقاۋدا ەۋروپا جانە ازيا ەلدەرىنىڭ بالالار- جاس وسپىرىمدەر ۇجىمدارى ونەر كورسەتتى.
«اساۋ سەزىم» كومپوزيتسياسى مەن 6-18 جاستاعى 47 ءبيشى قاتىسقان «ءبىز بىرگەمىز!» حورەوگرافيالىق ءنومىرى ءۇشىن «بلەيز» ستۋدياسىنا ەكى اتالىم بويىنشا باس جۇلدە تابىس ەتىلدى.
2016-جىلى قازاقستاندا جارعىلىق كاپيتالىنا ءجۇز پايىز مەملەكەتتىڭ قاتىسۋىمەن «الەۋمەتتىك مەديتسينالىق ساقتاندىرۋ قورى» كوممەرتسيالىق ەمەس اكتسيونەرلىك قوعامى قۇرىلدى.
2016-جىلى گونكونگتا وتكەن ماتەماتيكا ءپانى بويىنشا وليمپيادادا پاۆلودارلىق ءامىر مۇحاممەد ءالي التىن مەدالعا يە بولدى.
2017-جىلى يسپانيا كورولدىگى دەپۋتاتتار كونگرەسىنىڭ ءتورايىمى انا پاستور يسپانيا كورولى VI فيليپتىڭ اتىنان ق ر پرەزيدەنتى ن. ءا. نازاربايەۆقا كاتوليكتىك يزابەللا وردەنىن تابىس ەتتى.
قازاقستان پرەزيدەنتى يسپانيا كورولى VI فيليپكە جانە انا پاستورعا جوعارى ماراپاتى ءۇشىن ريزاشىلىق ءبىلدىردى.
2019-جىلى قازاقستان رەسپۋبليكاسى پرەزيدەنتى جانىنداعى ۇلتتىق قوعامدىق سەنىم كەڭەسى قۇرىلدى. ونىڭ قىزمەتىنىڭ نەگىزگى ماقساتى - قوعام، ساياسي پارتيالار، ازاماتتىق قوعام وكىلدەرىنىڭ قاتىسۋىمەن كەڭىنەن تالقىلاۋ نەگىزىندە مەملەكەتتىك ساياساتتىڭ وزەكتى ماسەلەلەرى بويىنشا ۇسىنىستار مەن ۇسىنىمدار ازىرلەۋ.
2019-جىلى بەينەۋ اۋدانىنىڭ تاجەن اۋىلىندا «بەينەۋ- اقجىگىت- وزبەكستان رەسپۋبليكاسى» باعىتىنداعى رەسپۋبليكالىق ماڭىزى بار اۆتوكولىك جولىنىڭ اشىلۋ ءراسىمى ءوتتى.
سالتاناتتى شاراعا قاتىسقان قازاقستان رەسپۋبليكاسىنىڭ پرەمەر-ءمينيسترى اسقار مامين اۆتوكولىك جولىنىڭ اشىلۋىمەن قۇتتىقتاپ، ونىڭ ورتالىق ازياداعى كولىك ينفراقۇرىلىمىن دامىتۋ، ساۋدا كولەمىن ۇلعايتۋ جانە ترانزيتتىك الەۋەتتى ىسكە اسىرۋداعى ماڭىزىن اتاپ ءوتتى.
