ءۇش جىلدا ۇرلانعان اقشالاي قاراجاتتىڭ تەك 17 پايىزى عانا وتەلگەن - باس پروكۋراتۋرا
وندا ەسىرتكى قىلمىستارىنا قارسى كۇرەس جانە ۇرلانعان اكتيۆتەردى قايتارۋ ماسەلەلەرى قارالدى، دەپ حابارلايدى قازاقپارات ق ر باس پروكۋراتۋراسىنا سىلتەمە جاساپ.
كەڭەس وتىرىسىنا پرەزيدەنتتىڭ كومەكشىسى - قاۋىپسىزدىك كەڭەسىنىڭ حاتشىسى عابيت بايجانوۆ، ۇيلەستىرۋ كەڭەسىنىڭ مۇشەلەرى، پرەزيدەنت اكىمشىلىگى مەن مەملەكەتتىك ورگانداردىڭ وكىلدەرى قاتىستى.
وتىرىستا قىلمىس ارقىلى مەملەكەتكە كەلتىرىلگەن زالالدى وتەۋ جانە شەتەلدەن ۇرلانعان اكتيۆتەردى قايتارۋ بويىنشا قابىلدانىپ جاتقان شارالار قارالدى.
«2015 -جىلدان باستاپ ۇرلانعان اقشالاي قاراجاتتىڭ تەك %17 عانا وتەلگەن.
تەرگەۋ ورگاندارىنىڭ قىزمەتى كۇدىكتىلەردىڭ اكتيۆتەرىن ىزدەۋگە جانە قاماۋعا الۋعا باعىتتالماعانى ايتىلدى. پروكۋرورلار ىرىكتەپ تەكسەرۋ ارقىلى ءوز اكتيۆتەرىن ساتقان جانە شىعارعان قىلمىسكەرلەردىڭ مۇلكىنە تىيىم سالماۋدىڭ 86 فاكتىسىن انىقتادى»، - دەلىنگەن حابارلامادا.
ادامدار جاۋاپتىلىقتان بوساتىلعان قىلمىستىق ىستەر بويىنشا ءتيىستى تالاپ- ارىز جۇمىسى جوق.
وسىعان بايلانىستى، باس روكۋرور قۇقىق قورعاۋ ورگاندارىنىڭ اتىنا ۇرلانعان قاراجاتتى انىقتاۋ جانە مەملەكەت پەن ازاماتتارعا قايتارۋ بويىنشا شارالار كەشەنىن قابىلداۋ تۋرالى ءتيىستى نۇسقاۋ ازىرلەۋدى تاپسىردى.
ول ۋاكىلەتتى ۆەدومستۆولاردى دا قىلمىستىق اكتيۆتەردى ىزدەۋ مەن تۇتقىنداۋدىڭ وزىق ادىستەرىن، ونىڭ ىشىندە شەتەلدىك ارىپتەستەردىڭ قارجىلىق بارلاۋ بولىمشەلەرىنىڭ مالىمەتتەرىن پايدالانا وتىرىپ، ولاردى نەعۇرلىم بەلسەندى قولدانۋعا شاقىردى.
ادىلەت مينيسترلىگىنە بورىشكەرلەردىڭ مۇلكىن اۆتوماتتى تۇردە تەكسەرۋ ءۇشىن ءىت- جۇيەسىن جەتىلدىرۋدى جەدەلدەتۋ، سونداي-اق سوت ورىنداۋشىلارىنىڭ جاۋاپكەرشىلىگىن ارتتىرۋ مىندەتى قويىلدى.
وتىرىس قورىتىندىسى بويىنشا ۇيلەستىرۋ كەڭەسىنىڭ 2019 -جىلدىڭ 1-جارتىجىلدىعىنا ارنالعان جۇمىس جوسپارى بەكىتىلدى، وندا مەملەكەت باسشىسىنىڭ تاپسىرمالارىنان تۋىندايتىن جانە ازاماتتاردىڭ قۇقىقتارىن قورعاۋعا بايلانىستى وزەكتى ماسەلەلەر كوزدەلگەن.
