قازسات ىسكە قوسىلعالى بەرى 17 ميلليارد تەڭگە پايدا اكەلدى
ورتالىقتىڭ باسپا ءسوز قىزمەتىنەن حابارلاعانداي، 2018 -جىلدىڭ باسىندا «KazSat-2» قازاقستاندىق بايلانىس جانە اقپارات تاراتۋ سپۋتنيگىنىڭ (2001 -جىلى ۇشىرىلدى) جۇكتەلۋى 65 پايىز بولسا، «KazSat-3» 80 پايىزدان ارتىق كورسەتكىشكە قول جەتكىزگەن (2014 -جىلى ۇشىرىلدى).
2017 -جىلى «KazSat» شەتەلدىك سپۋتنيكتىك رەسۋرستاردى قىسقارتۋ ەسەبىنەن 12 ميلليارد تەڭگەگە يمپورت الماستىرۋدى قامتاماسىز ەتىپ، 5 ميلليارد تەڭگەدەن استام پايدا اكەلدى. جالپى 2011 - جىلدان بەرى «KazSat» وتىز ءتورت ميلليارد تەڭگەگە يمپورت الماستىرىپ، 17 ميلليارد تەڭگەدەن استام پايدا اكەلگەن.
«رەسپۋبليكالىق عارىشتىق بايلانىس ورتالىعى» ا ق پرەزيدەنتى ۆيكتور لەفتەر 2017 -جىلدىڭ سوڭىنا قاراي كاسىپورىن شىعىندارىن تولىقتاي جاۋىپ، پايدا تابا باستاعانىن ايتتى. سونىمەن بىرگە ورتالىقتى ەڭ ۇلكەن جەتىستىكتەرىنىڭ ءبىرى، 2017 -جىلى وتاندىق تەلەۆيدەنيەنىڭ تولىقتاي قازاقستاندىق سپۋتنيكتەرگە ءوتۋى.
2023 -جىلدىڭ سوڭىندا «KazSat-2» سپۋتنيگىنىڭ قىزمەت ەتۋ مەرزىمى اياقتالادى. سوندىقتان رەسپۋبليكالىق عارىشتىق بايلانىس ورتالىعىندا ونى ۋاقىتىندا اۋىستىرۋ جۇمىستارى باستالىپ كەتتى.
