ءبىلىم مينيسترلىگىنەن 17 جاستاعى دارىندى قىز كومەك سۇرادى
بۇل تۋرالى استانا ارناسى حابارلايدى.
ءوز قاتارلاستارىنا ارناپ كوركەم شىعارمالار جازادى. جىلىنا كەم دەگەندە ەكى اڭگىمەنىڭ باسىن قايىراتىن ول، العاشقى تۋىندىلارىن اتا- اناسىنىڭ كومەگىمەن باسىپ شىعارعان. ءبىراق، تيراجىن كوبەيتىپ، ساپاسىن ارتتىرۋ ءۇشىن، قاراجات كەرەك. سوندىقتان ۆيتسە-ءمينيستردىڭ قابىلداۋىنا جازىلعان. ۆەدومستۆو وكىلىنىڭ ايتۋىنشا، كىتاپتى كوپشىلىككە ۇسىنباس بۇرىن ءبىرقاتار تالاپتار ورىندالۋى ءتيىس.
«قوسىمشا وقىلىمعا ەنگىزۋ ءۇشىن «كىتاپ» ورتالىعىندا ءتيىستى ساراپتامادان وتكىزۋ ارقىلى مەملەكەتتىك ءبىلىم تالابىنا سايكەستىگى انىقتالادى. ەگەر اتالعان تالاپتار ورىندالىپ، كوميسسيا تاراپىنان وڭ شەشىم تاپسا، قوسىمشا ادەبيەت رەتىندە ۇسىنۋعا بولادى»، - دەيدى ق ر ءبىلىم جانە عىلىم ءمينيسترىنىڭ ورىنباسارى بيبىگۇل اسىلوۆا.
«نۇر وتان» پارتياسىنىڭ قوعامدىق قابىلداۋىنا كەلگەن 10 عا تارتا ازاماتتىڭ ماسەلەلەرى سان الۋان. ءبىرى شەتەلدە ءبىلىم الۋ جايىندا بىلگىسى كەلسە، ەندى ءبىرى ۇستازدار اراسىنداعى كيكىلجىڭنىڭ وڭدى شەشىلۋىن سۇراپ وتىر. پروبلەمالاردىڭ كەيبىرى سول ساتتە شەشىلدى. ال تاعى ءبىرقاتارىنا الداعى ۋاقىتتا جاۋاپ بەرىلەتىن بولادى.
