ەسىمى 17 ارىپتەن تۇراتىن قازاق بويجەتكەن جۇرتتى تاڭىرقاتتى
جالپى، ءبىزدىڭ حالقىمىزدا مۇنداي ەسىمدەر سيرەك كەزدەسەدى. قازاق ات قويۋعا وتە ماڭىز بەرىپ قاراعان.
«اتام مەن اجەمنىڭ ۇلدان كورگەن تۇڭعىش نەمەرەسىمىن. سوندىقتان ماعان ەسىم بەرۋگە تالاسقان تۋىستارىم كوپ بولىپتى. بىرەۋى اقسۇلۋ، بىرەۋى قاراگوزايىم، بىرەۋى اققاراگوز دەپ قويعىسى كەلىپتى. سودان اتام مەن اجەم اقىلداسا كەلە ەشكىمنىڭ دە كوڭىلى قالماسىن دەپ ۇسىنىلعان ەسىمدەردىڭ ءبارىن بىرىكتىرىپ قويعاندى ءجون ساناعان.
جالپى، كوپ ادام اتىمنىڭ ۇزاقتىعىنا تاڭعالىپ، قۇجات تولتىرعاندا، بولماسا قانداي دا ءبىر قيىندىق تۋدىرا ما دەپ سۇراپ جاتادى. نەگىزى، بالەندەي قيىندىق تۋدىرادى دەپ ايتا المايمىن. كەرىسىنشە، وزگەلەردەن ەرەكشە وسىنداي ەسىمدى يەمدەنگەنىمە قۋانامىن. كوبىنە قىسقارتىپ قاراگوز دەپ جاتادى. ماعىناسىنا كەلەر بولساق، ايتپاسا دا تۇسىنىكتى دەپ ويلايمىن. قىزدىڭ بارلىق كوركەمدىگىن پاش ەتىپ تۇرعان ناعىز قازاقي ەسىم ەكەنىن ماقتان تۇتامىن»، - دەيدى ەسىمى ەرەكشە اققاراگوزايىمسۇلۋ امانگەلدى.
