گەرمانيادا 17 جاسار قازاقستاندىق كومپوزيتور جەكە كونسەرتىن بەردى

الەمگە تانىمال فەستيۆال تاريحىندا تۇڭعىش رەت قازاقستان وكىلى ونەر كورسەتىپ، «Painting in sounds»  («دىبىستارداعى سۋرەت» ) اتتى ءوز شىعارماسىن ورىندادى.

فەستيۆال اياسىندا قازاقستاندىق جاس تالانتتىڭ كومپوزيتسياسى وسى زامانعى مياكو كۋبو، دجەففري چينگ، گيۋنتەر بەكەر سياقتى تانىمال كومپوزيتورلاردىڭ شىعارمالارىمەن قاتار شىرقالدى.

كلاسسيكالىق مۋزىكانىڭ حالىقارالىق سىنشىلارى جانە نەمىس كورەرمەندەرى ر. ءابدىساعيننىڭ شىعارماسىنا جانە مۋزىكالىق كومپوزيتسيانىڭ ورىندالۋىنا جوعارى باعا بەرىپ، قازاقستاندىق كلاسسيكالىق مۋزىكا مەكتەبىنىڭ وكىلدەرىنىڭ شەبەرلىگىن اتاپ ءوتتى.

ەسكە سالا كەتەيىك، ميۋنستەردە گەرمانيانىڭ فەدەرالدىق جانە جەرگىلىكتى وكىمەتتەرىنىڭ قولداۋىمەن «Klang Zeit Münster» توعىزىنشى كلاسسيكالىق مۋزىكا فەستيۆالى وتۋدە. شارانىڭ باستى ماقساتى كلاسسيكالىق مۋزىكانىڭ وسى زامانعى كومپوزيتورلارىنىڭ شىعارمالارىن الەم جۇرتشىلىعىنا كەڭىنەن تاراتۋ بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى