قازاقستاندا جىل سايىن 17 مىڭ بوس جۇمىس ورنى تەككە قالادى - ت. دۇيسەنوۆا
ەسكە سالا كەتەيىك، سەنات وتىرىسىندا «قازاقستان رەسپۋبليكاسى مەن حالىقارالىق قايتا قۇرۋ جانە دامۋ بانكى اراسىنداعى قارىز تۋرالى كەلىسىمدى (ەڭبەك داعدىلارىن دامىتۋ جانە جۇمىس ورىندارىن ىنتالاندىرۋ جونىندەگى جوبا) راتيفيكاتسيالاۋ تۋرالى» ق ر زاڭى قابىلداندى. كەلىسىمنىڭ ءبىر باعىتى - كاسىبي ستاندارتتاردى بەلگىلەۋ جانە سوعان سايكەس وقۋ ستاندارتتارىن وزگەرتۋ شارالارى قامتۋ.
«جىل سايىن ەلىمىزدە 17 مىڭنان استام بوس جۇمىس ورنى تەككە قالىپ وتىرادى. سەبەبى وقۋ ورىندارىن بىتىرگەن ازاماتتاردىڭ بىلىكتىلىگى جۇمىس بەرۋشىلەردىڭ تالاپتارىنا سايكەس كەلە بەرمەيدى. بۇل ولقىلىق جۇمىس بەرۋشىلەردىڭ وزدەرىن وقۋ پروتسەسىنە اتسالىسۋىن بەلسەندىرۋ ارقىلى شەشىلۋى مۇمكىن» ، دەدى مينيستر ت. دۇيسەنوۆا.
ونىڭ ايتۋىنشا، وقۋ ورىندارىن بىتىرگەن ازاماتتاردىڭ ءبىلىم دەڭگەيلەرى سول وقۋ ورىندارىنىڭ وزدەرىمەن انىقتالادى. ال ەكونوميكالىق ىنتىماقتاستىق جانە دامۋ ۇيىمى ەلدەرىندە بۇل ماسەلەمەن جۇمىس بەرۋشىلەر نەمەسە ارنايى بەلگىلەنگەن كاسىبي ۇيىمدار اينالىسادى. وسىعان وراي، ۆەدومستۆو باسشىسى ەلىمىزدە ءدال سونداي ۇيىمدار قۇرىلاتىنىن مالىمدەدى.
