الماتىدا 17 كولىكتى سوققان ترامۆايعا قاتىستى جاڭا دەرەكتەر پايدا بولدى

باسپا ءسوز قىزمەتىنىڭ مالىمەتىنشە، 21 -قىركۇيەكتە №4 -ترامۆاي ءوز باعىتى بويىنشا شەۆچەنكو كوشەسىمەن باتىس باعىتتا ءجۇرىپ بارا جاتقان. ول ناۋرىزباي باتىر كوشەسىنە جاقىنداعان كەزدە سالونداعى جولاۋشىلار كۇيىكتىڭ ءيىسى شىققانىن ايتقان. جۇرگىزۋشى قوعامدىق كولىكتى توقتاتىپ، جولاۋشىلاردىڭ بارلىعىن ءتۇسىرىپتى.

«ترامۆاي ناۋرىزباي باتىر كوشەسىنەن وتە بەرگەندە توقتاپ، وڭتۇستىك باعىتتاعى قوزعالىس قيىنداعان، ول جەردە كولىك كەپتەلىسى بولىپتى. وقيعادان كەيىن موتور قورابىنان ءتۇتىن شىعىپ، ول ءورت ءسوندىرۋ قۇرالىنىڭ كومەگىمەن سوندىرىلگەن. شەۆچەنكو مەن ناۋرىزباي باتىر كوشەلەرىندە كولىك كەپتەلىسى بولىپ قالعاندىقتان، وقيعا ورنىنا جول پوليتسياسىنىڭ قىزمەتكەرلەرى كەلىپ، ترامۆايدى جولدان جىلدام الۋدى سۇراعان»، - دەيدى باسپا ءسوز قىزمەتىندەگىلەر.

ولاردىڭ ايتۋىنا قاراعاندا، جۇرگىزۋشى قوعامدىق كولىكتى جولدان جىلدام الىپ تاستاۋ ماقساتىندا دوڭگەلەكتەگى بلوكتى ىقتيارسىز تۇردە الىپ تاستاپ، ترامۆايدى كولىك از جەرگە جەتكىزبەكشى بولىپتى.

«قازىرگى تاڭدا جول اپاتىنىڭ سەبەپتەرىن الماتى ءى ءى د جول پوليتسياسى باسقارماسىنىڭ قىزمەتكەرلەرى مەن «الماتى ەلەكتروترانس» ج ش س ارنايى كوميسسياسى انىقتاپ جاتىر. سوت شەشىم شىعارعاننان كەيىن ساقتاندىرۋ كومپانياسى جول اپاتىنان زارداپ شەككەندەرگە شىعىندى وتەپ بەرەدى»، - دەيدى كاسىپورىن وكىلدەرى.

ەسكە سالا كەتەيىك، جول-كولىك وقيعاسى الماتىدا 2015 -جىلدىڭ 21 -قىركۇيەگىندە بولعان ەدى. جۇرگىزۋشىسىز قالعان ترامۆاي وزدىگىنەن ءجۇرىپ كەتىپ، 17 اۆتوكولىكتى سوقتى. كۋاگەرلەردىڭ ايتۋىنشا، ترامۆايدىڭ تىزگىندە ەشكىم بولماعان.

Tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى