بالقاش قالاسىندا تاۋلىگىنە 17 تونناعا دەيىن ءونىم شىعاراتىن نان كومبيناتى ىسكە قوسىلدى - فوتو
نىساننىڭ اشىلۋىنا ق ر ۇلتتىق ەكونوميكا ءمينيسترى ەربولات دوسايەۆ پەن قاراعاندى وبلىسىنىڭ اكىمى نۇرمۇحامبەت ابدىبەكوۆ قاتىستى.
«وتكەن جىلدىڭ جەلتوقسانىندا، ق ر تاۋەلسىزدىك كۇنىنىڭ قارساڭىندا دەنە شىنىقتىرۋ- ساۋىقتىرۋ كەشەنى اشىلىپ، جاڭا 45 پاتەرلىك تۇرعىن ءۇي تاپسىرىلدى. ەندى الەۋمەتتىك ماڭىزدى نىساندار تىزىمىنە جاڭا نان كومبيناتى دا قوسىلدى. بۇل بىزدەگى بيىلعى جىلى ەل پرەزيدەنتى نۇرسۇلتان نازاربايەۆتىڭ باستاماسىمەن قۇرىلعان مونوقالالاردى دامىتۋ باعدارلاماسىنىڭ اياسىندا ىسكە قوسىپ وتىرعان ءبىرىنشى ءوندىرىس»، - دەپ اتاپ ءوتتى قۇتتىقتاۋ سوزىندە ايماق باسشىسى.
بالقاشتا 1967 - جىلى سالىنعان نان زاۋىتى جۇمىس ىستەگەن. سوڭعى ون جىلدىقتاردا وندا ەشقانداي جاڭارتىلۋ بولعان جوق. 2014 - جىلى قۋاتتىلىعى تاۋلىگىنە 17 تونناعا دەيىن ءونىم بولاتىن زاماناۋي نان كومبيناتىن سالۋ تۋرالى شەشىم قابىلداندى. «پۋلس» ج ش س جوبانى «دامۋ» كاسىپكەرلىكتى دامىتۋ قورى» ا ق- نىڭ قولداۋىمەن ىسكە اسىردى. ينۆەستيتسيالار كولەمى 500 ملن. تەڭگەنى قۇرادى. جاڭا كاسىپورىندا 100 گە جۋىق جۇمىس ورنى قۇرىلدى.
«نان كومبيناتى ەۋروپالىق ەلدەردىڭ زاماناۋي ەنەرگيالىق ءتيىمدى جابدىقتارىمەن جابدىقتالعان. مۇندا ونىمدەردىڭ 30 ءتۇرى شىعارىلادى، الداعى ۋاقىتتا ولاردىڭ تۇرلەرى 40 قا دەيىن ارتتىرىلماق»، - دەلىنگەن وبلىس اكىمىنىڭ باسپا ءسوز قىزمەتىنەن كەلىپ تۇسكەن حابارلامادا.
