سىرداريا وزەنىنە باتىپ بارا جاتقان 17 جاستاعى بويجەتكەن قۇتقارىلدى - فوتو

كەشە 11 ساعات 55 مينۋت كەزىندە ق ر ءى ءى م توتەنشە جاعدايلار كوميتەتىنىڭ «وڭتۇستىك وڭىرلىك اەروموبيلدىك جەدەل قۇتقارۋ جاساعى» 17 جاستاعى قىزدى قۇتقاردى.

قىزىلوردا وبلىسى توتەنشە جاعدايلار دەپارتامەنتىنىڭ جەدەل كەزەكشىسىنەن سىرداريا وزەنىنىڭ ورتاسىنداعى ارال جاعاسىندا بەلگىسىز ءبىر بويجەتكەن كومەك سۇراعانى جونىندە حابار تۇسكەن بولاتىن.

وقيعا ورنىنا ق ر ءى ءى م ت ج ك «وو ا ج ق ج» م م- نىڭ باسشىسى ب. ەمبەرگەنوۆتىڭ باسقارۋىمەن 5 قۇتقارۋشى شىقتى. انىقتاۋ بارىسىندا بەلگىلى بولعانداي، سىرداريا وزەنىنىڭ ارالىندا 1998 - جىلى تۋىلعان جەرگىلىكتى كوللەدج ستۋدەنتى، ءوز ەركىمەن ءجۇزىپ بارىپ كەرى قايتا الماعان.

جاساق قۇتقارۋشىلارى شۇعىل ارەكەت ەتىپ، زارداپ شەگۋشىنى قۇتقارۋ جۇمىستارىنا كىرىسىپ كەتتى. ۇرلەمەلى قايىقتىڭ كومەگىمەن كيىمدەرى سۋ بولعان توڭىپ قالعان قىزدى جاعاعا شىعارىپ، جەدەل- جاردەم قىزمەتكەرلەرىن شاقىرىپ، جىلى كيىمدەردى كيگىزىپ، العاشقى مەديتسينالىق كومەك كورسەتتى.

قۇتقارىلعان ازاماتشا قورقىنىشتى سەزىممەن نە جاعداي بولعانىن ءتۇسىندىرىپ، ايتىپ بەرە المادى.

قۇتقارۋشىلاردىڭ جەدەل جانە كاسىبي جۇمىستارىنىڭ ارقاسىندا قىزدى قۇتقارۋ وپەراتسياسى ءساتتى اياقتالدى.

اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى