قىتايلىق شاحتەر جەر استىندا 17 جىل ءومىر ءسۇرىپتى

بۇگىن الەم اقپارات وكىلدەرى تۇركيانىڭ سوم قالاسىنداعى شاحتاداعى جارىلىس جايلى جازىپ جاتىر. 274 ادامنىڭ ءومىرىن جالماعان ايتپاي كەلگەن كەساپاتتى اپاتتان امان قالعانداردى قۇتقارۋ جۇمىستارى جالعاسۋدا.

باۋىرلاس تۇرىك قانداستارىمىزدىڭ قايعىسىنا قازاق جۇرتى ورتاق. ءالقيسسا وسى شاحتاداعى ايتۋلى اپاتتاردان امان قالعان سۋ ىشەرلىگى بارلار جايلى ايتساق. جۇرت جاعاسىن ۇستاپ تاڭدانعان چجان ەسىمدى قىتايلىق شاحتەر جەر استىندا 17 جىل ءومىر ءسۇرىپتى. ادام سەنگىسىز.  7,8 بالدىق جەر سىلكىنىسىنەن جەر استى وپىرىلىپ سوندا قالىپ قويعان ەكەن.

وسىنشا ۋاقىتتا ول جەر استىنداعى توتەنشە جاعداي كەزىندە قولداناتىن دەپوداعى قويماداعى ازىق تۇلىكتى تالعاجاۋ ەتىپتى. ال اۋا، تىنىس الۋى شاحتانىڭ قالعان سول بولىگىندە اۋا رەتتەگىش قۇرالىنىڭ بار بولۋى كومەكتەسىپتى. جارىق اتاۋىنان فوسفوردى پايدالانعان ەكەن.1997-جىل بولعان جەر سىلكىنىسىنەن كەزدويسوق جەر بەتىنە شىعىپتى.

جالپى بۇعان دەيىن جەر استىندا ەڭ كوپ ۋاقىت قالعان  ۇلى بريتاندىق جەفف سميت ەسىمدى شاحتەر ەكەن. ول 142 كۇن ءومىر ءسۇرىپتى. ال 2010- جىلى الەمدى ءدۇر سىلكىندىرگەن چيليدەگى جەر استى اپاتى بولدى. 700 مەترگە تاياۋ تەرەڭدىكتە 33 كەنشى 70 كۇن ءومىر سۇرەدى. باقىتقا وراي الەمدەگى ەڭ ءىرى قۇتقارۋ وپەراتسيا بارىسىندا ءبارى ءتىرى قالادى. الەم جۇرتى سۇيسىنگەن بۇل وقيعاعا ارناپ كينودا وينالدى.

ال ەندى ءوز ەلىمىزدەگى ەڭ ءىرى جەر استى اپاتى 2008-جىلى ورىن الدى. اباي شاحتاسىنداعى جارىلىستان 30 ادام قازا تاۋىپ، 14 ادام جارالاندى. جالپى ايتا بەرسە مۇنداي اپاتتار الەمدە كوپتەپ ورىن الادى. سونىڭ ىشىندە قىتاي الدىڭعى ورىنداردا. قازاق جەرىندەدە مۇنداي اپاتتار ارەدىك ورىن الىپ تۇرادى.

جەر استى باتىرلارى امان بولسىن، ويتكەنى ولار ەل ەكونوميكاسىن كوتەرۋ ءۇشىن قارا جەردىڭ قوينىنا تىرىدەي كىرەدى...

نۇربول قاناعات

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى