الماتى وبلىسىندا جىل باسىنان بەرى 176 ادام جول اپاتىنان مەرت بولعان

الماتى وبلىسىنىڭ پوليتسيا قىزمەتكەرلەرى «قاۋىپسىز جول» جەدەل الدىن الۋ شاراسىنىڭ اياسىندا حالىققا الەۋمەتتىك جەلى مەن ب ا ق ارقىلى اقپارات تاراتىپ، جولدا اباي بولۋ كەرەكتىگىن ەسكەرتىپ وتىر. قۇقىق قورعاۋشىلاردىڭ ايتۋىنشا، بۇل ءوڭىر جولدارىنداعى ءتارتىپتى جاقسارتىپ، جول اپاتىنىڭ سانىن ازايتادى.

«شارا بارىسىندا اپاتقا الىپ كەلەتىن جول قوزعالىسى ەرەجەسىن ورەسكەل بۇزۋ فاكتىلەرىن انىقتاۋ ماقساتىندا رەيد وتكىزىپ جاتىرمىز. سونداي- اق پوليتسەيلەر ءتۇسىندىرۋ جۇمىسىن قولعا الىپ، كولىك يەلەرى مەن جاياۋ جۇرگىنشىلەرگە جول ەرەجەسىن ساقتاۋدىڭ ماڭىزى جايلى بروشيۋرا تاراتىپ ءجۇر»، - دەپ اتاپ ءوتتى الماتى وبلىسى پ د جەرگىلىكتى پوليتسيا قىزمەتى باسقارماسى باستىعىنىڭ ورىنباسارى ايدوس ءجۇنىسوۆ.

رەسمي مالىمەتكە سۇيەنسەك، جىل باسىنان بەرى وبلىس جولدارىندا 1056 جول اپاتى بولعان. وندا 176 ادام قازا تاۋىپ، 1598 جولاۋشى مەن جۇرگىزۋشى جاراقات الدى.

ايتا كەتەيىك، «قاۋىپسىز جول» شاراسى 15 -شىلدە مەن 14 -تامىز ارالىعىن قامتيدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى