س ق و-دا كوروناۆيرۋس جۇقتىرعان 175 بالانى دارىگەرلەر باقىلاۋعا العان
قازىرگى ۋاقىتتا جاعدايى ورتاشا 12 بالا ستاتسيوناردا ەم الىپ جاتىر، دەپ حابارلايدى قازاقپارات ءتىلشىسى.
س ق و دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنشە، ىندەت باستالعالى تۋعانىنا 28 كۇننەن باستاپ 18 جاسقا دەيىنگى 2,5 مىڭعا جۋىق بالا كوروناۆيرۋس جۇقتىرعان. ولاردىڭ 2252 سى ءتاۋىر بولدى. قازىرگى ۋاقىتتا 175 بالا دارىگەرلەردىڭ باقىلاۋىندا. سىرقاتتاردىڭ 163 ى امبۋلاتورلىق جاعدايدا ەم الىپ جاتىر. ك ۆ ي جۇقتىرعان 97 بالادا اۋرۋ بەلگىلەرى بولماعان. س ق و بالالار اۋرۋحاناسىنىڭ باس دارىگەرى ولەگ زاۆيالوۆتىڭ ايتۋىنشا، قازىر 12 بالا ستاتسيوناردا ەم الىپ جاتىر. ولاردىڭ جاعدايى ورتاشا.
«كوروناۆيرۋستىڭ ەكىنشى، ءۇشىنشى تولقىنى بۇل ينفەكسيانىڭ بالالار ءۇشىن دە اسا ءقاۋىپتى ەكەنىن كورسەتتى. بالالار دا جۇقتىرىپ جاتىر، ولار دا اۋىرادى. ءبىزدىڭ وبلىستىق بالالار اۋرۋحاناسىندا ءبىر كەزدەرى COVID- پەن اۋىرعاندارعا ارنالعان ورىنداردا 60-70 ادامعا دەيىن جاتقان كەزدەرى بولدى»، - دەيدى ولەگ زاۆيالوۆ.
اۋرۋحانادا كوروناۆيرۋستان ەمدەلىپ جاتقان بالالاردىڭ ۇشەۋىنىڭ جاسى 1 مەن 3 ارالىعىندا. جالپى اۋىرعانداردىڭ 35 ى 5 جاسقا دەيىنگى سابيلەر. ماماننىڭ ايتۋىنشا، جۇقتىرعانداردىڭ ىشىندە جاسوسپىرىمدەردىڭ ۇلەسى باسىم.
«بالالارعا دا ۆاكسينا ەگۋ قاجەت. جاسوسپىرىمدەر مەن جۇكتى ايەلدەردى Pfizer ۆاكسيناسىمەن ەگۋ تۋرالى ايتار بولسام، ەكپە تەك ەرىكتى تۇردە جۇرگىزىلەدى، باسقاشا بولۋى مۇمكىن ەمەس. ول ەكى كەزەڭدە جۇزەگە اسادى. كەزىندە شىعىستا «ەبولا» اتتى بەزگەك ءورشىپ كەتتى. بۇل دەرتتى تەك ۆاكسيناتسيانىڭ كومەگىمەن عانا جەڭدى. ول ۆاكسينا گامالەي ورتالىعىندا جاسالدى. بۇدان باسقا دوڭىز تۇماۋى، قۇس تۇماۋى شىقتى. ولارمەن كۇرەستە دە ۆاكسينانىڭ ءرولى جوعارى بولدى»، - دەيدى ولەگ زاۆيالوۆ.
