تۇركىستاندا ابايدىڭ 175 جىلدىعىنا وراي انيماتسيالىق فيلمدەر تۇسىرىلەدى
تۇركىستان وبلىسى بۇگىندە تەلەسەريال مەن انيماتسيالىق فيلمدەردىڭ ورتالىعىنا اينالىپ وتىر. بۇعان دەيىن اڭىز ءارى تاريحي كەيىپكەرلەردى پاش ەتەتىن بىرنەشە تۋىندىنى كورەرمەنگە تارتۋ ەتتى.
بيىل دا ءال-فارابيدىڭ 1150 جىلدىعىنا وراي «تۇركىستان قۇپيالارى» دەرەكتى فيلمىن جانە ابايدىڭ 175 جىلدىعى اياسىندا انيماتسيالىق فيلمدەردى ءتۇسىرۋ جوسپارلانىپ وتىر. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق مادەنيەت باسقارماسى باسشىسىنىڭ مىندەتىن اتقارۋشى ءازىمحان قويلىبايەۆ مالىمدەدى.
ايتا كەتەرلىگى، وبلىستا تۇسىرىلگەن «كۇش اتاسى − قاجىمۇقان»، «كيەلى قازىعۇرت»، «وتىراردى قورعاۋ» انيماتسيالىق فيلمدەرى مەن «كونە جەتىگەننىڭ سىرى» تەلەسەريالى وبلىستىڭ بارلىق اۋداندارى مەن قالالارىندا جانە جەرگىلىكتى تەلەارنالار مەن «حابار»، «اسىل ارنا» تەلەارنالارىنان كورسەتىلگەن بولاتىن.
بۇگىنگى تاڭدا وبلىستا 679 مادەنيەت جانە ونەر مەكەمەسى حالىققا قىزمەت كورسەتەدى. ونىڭ ىشىندە: 389 كىتاپحانا، 251 كلۋب، 24 مۇراجاي، 3 كاسىبي تەاتر، 6 ساياباق، 2 ورتالىق، 1 وبلىستىق فيلارمونيا، 1 كوركەمسۋرەت گالەرەياسى1، «وڭتۇستىك فيلم» مەكەمەسى بار.
«وتكەن جىلى وبلىستىق كاسىبي 3 تەاتردا 10 جاڭا قويىلىم ساحنالاندى. اعىمداعى جىلى اتالعان تەاترلاردا 702 قويىلىم حالىققا ۇسىنىلىپ، 22 گاسترولدىك ءىس ساپار ۇيىمداستىرىلدى. تەاترلاردا ءال-فارابيدىڭ 1150، ابايدىڭ 175 جىلدىق مەرەيتويىنا وراي جاڭا سپەكتاكلدەرىنىڭ پرەمەراسى حالىق نازارىنا ۇسىنىلماق. اتالعان مەرەيتويلارعا بايلانىستى ءساۋىر ايىندا «تەاتر كوكتەمى-2020» كاسىبي تەاترلاردىڭ فەستيۆالى مەن «حالىقتىق» اتاعى بار تەاترلاردىڭ بايقاۋى وتەدى. سونىمەن قاتار، وتىرار اۋدانىندا «Open air» اشىق اسپان استىنداعى تەاترى ىسكە قوسىلىپ، تاريحي كوركەم، انيماتسيالىق فيلمدەر كورسەتىلىپ، قاراشا ايىنا دەيىن حالىققا قىزمەت كورسەتەتىن بولادى»، - دەدى باسقارما باسشىسى.
سونداي-اق، وبلىستاعى 389 كىتاپحانادا 17125 كوپشىلىك ءىس-شارا ۇيىمداستىرىلعان. كىتاپحانالار 110641 دانا جاڭا كىتاپپەن تولىقتىرىلىپ، جالپى كىتاپ قورى 5 ميلليون 768 مىڭ دانادان اسىپ وتىر. «ەڭ كوپ وقىلاتىن 100 كىتاپ»، «التىن قورعا ۇلەس قوس»، «كىتاپحاناعا سىي» اكتسيالارى ۇيىمداستىرىلىپ 13043 دانا كىتاپ كىتاپحانالاردىڭ قورىنا سىيعا بەرىلگەن.
بۇدان وزگە، بيىل اتالىپ وتكەلى وتىرعان كومپوزيتور ش. قالداياقوۆتىڭ 90 جىلدىعىنا وراي «باقىت قۇشاعىندا» اتتى رەترو-فەستيۆالى، «ءان ەركەسى» مەرەكەلىك كونسەرتى، «مەنىڭ قازاقستانىم» وبلىستىق ءان بايقاۋى جانە بارلىق اۋدان، قالالاردا 80 گە جۋىق ءىس-شارا وتكىزۋ جوسپارلانۋدا.
