باتىس قازاقستاندا اتاقتى ءانشى- كومپوزيتور مۇحيت مەرالى ۇلىنىڭ 175 جىلدىعى كەڭ كولەمدە اتالىپ وتىلمەك
ب ق و مادەنيەت، مۇراعاتتار جانە قۇجاتتاما باسقارماسىنان تۇسكەن مالىمەتكە قاراعاندا، مەرەيتوي اياسىندا «سارى دالا ساعىنىشى - سال مۇحيت» اتتى رەسپۋبليكالىق انشىلەر بايقاۋى ۇيىمداستىرىلماقشى. سونىمەن قاتار ب ق و قازاق دراما تەاترى «ءان مۇحيت» سپەكتاكلىن قويۋدى ويلاستىرۋدا.
مادەني شارالاردىڭ ءبىرقاتارى مۇحيت مەرالى ۇلىنىڭ تۋعان جەرى - قاراتوبە اۋدانىندا وتەدى. اۋدان اكىمدىگىنەن حابارلاعانىنداي، سونىڭ ىشىندە ءانشى اۋىلىنداعى ب. قاراتايەۆ اتىنداعى ورتا مەكتەپتە مۇحيت مۇراجايىن اشۋ كوزدەلۋدە. بۇعان اۋداندىق بيۋدجەتتەن 2 ميلليون تەڭگە ءبولىندى. مۇراجايعا كونە جادىگەرلەر جيناقتالىپ، قازىرگى زامانعى قۇرال- جابدىقتارمەن قامتاماسىز ەتىلمەك.
ايتا كەتەيىك، مۇحيت اۋىلىندا ءانشى ەسكەرتكىشى بولسا، بۇدان ون جىل بۇرىن اقباقاي قورىمىندا اق شاڭقان كەسەنەسى ورناتىلعان بولاتىن. سونداي- اق ورال قالاسىنداعى ورتالىق كوشەلەردىڭ بىرىنە مۇحيت مەرالى ۇلىنىڭ ەسىمى بەرىلگەن.
اۆتور: ەلجان ەرالى
