قازاقستاندا قۇرىلىسقا جىل باسىنان بەرى 174,9 ميلليارد تەڭگە جۇمسالعان

بۇل كورسەتكىش 2017-جىلدىڭ سايكەس مەرزىمىمەن سالىستىرعاندا 4,5 پروتسەنتكە از، دەپ حابارلايدى قازاقپارات ق ر ۇلتتىق ەكونوميكا منيسترلىگىنىڭ باسپا ءسوز قىزمەتىنە سىلتەمە جاساپ.

اتالمىش مەرزىمدە جۇمىستاردىڭ باسىم بولىگى ينجەنەرلىك قۇرىلعىلاردى ورناتۋ بويىنشا اتقارىلدى، ياعني بۇل باعىتقا 29,2 ميلليارد تەڭگە جۇمسالدى. تۇرعىن ءۇي قۇرىلىسىنا 23,2 ميلليارد ونەركاسىپ عيماراتتارىنا 22,8 ميلليارد تەڭگە، بايلانىس جانە كوممۋنيكاتسيا سالاسىنا 20,7 ميلليارد جانە تاۋ-كەن جانە قايتا وڭدەۋ ونەركاسىبىنە 20,3 ميلليارد تەڭگە جۇمسالعان.

قۇرىلىس- مونتاجداۋ جۇمىستارىنىڭ كولەمى 10,1 پروتسەنتكە ازايىپ، 153,6 ميلليارد تەڭگەنى قۇرادى. كۇردەلى جانە اعىمدى جوندەۋ جۇمىستارىنىڭ كولەمى الدىنداعى جىلمەن سالىستىرعاندا 70 پروتسەنتكە ارتتى.

قاڭتار-اقپان ايلارى ارالىعىندا 5840 جاڭا عيماراتتىڭ قۇرىلىسى اياقتالدى، سونىڭ ىشىندە 5489 تۇرعىن ءۇي مەن 351 تۇرعىن ۇيگە جاتپايتىن عيماراتتار بار. ناقتىراق ايتقاندا 2 جالپىعا ءبىلىم بەرۋ مەكەمەسى مەن 12 مەكتەپكە دەيىنگى ءبىلىم بەرۋ نىسانى سالىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى