جولاۋشىلار كەمەسىندە 172 ادام كولدەنەڭنەن تاپ بولعان اۋرۋعا ۇشىرادى
بۇل تۋرالى ا ق ش دەنساۋلىق ساقتاۋ مينيسترلىگىنىڭ اۋرۋلاردى باقىلاۋ جانە الدىن الۋ ورتالىعىنىڭ (CDC) ەسەبىندە ايتىلعان، دەپ حابارلادى لەنتا. ر ۋ.
بورتىندا 3009 جولاۋشىسى مەن 1160 ەكيپاج مۇشەسى بار لاينەر لوس-اندجەلەستەن گايتيگە 28 كۇندىك كرۋيزدىك ساپارعا شىققان. قازىرگى كەزدە بۇل اۋرۋدى 158 جولاۋشى جانە 14 ەكيپاج مۇشەسى جۇقتىرعان.
قازىر Crown Princess لوس-اندجەلەسكە جاقىنداپ كەلەدى. دۇيسەنبى كۇنى سان-پەدرو قالالىق پورتىنا كەلگەننەن كەيىن لاينەر بورتىنا CDC قىزمەتكەرلەرى كوتەرىلىپ، جاعدايدى ءوز كوزدەرىمەن كورەدى.
كەمەنىڭ يەگەر-كومپانياسى Carnival plc بولمەلەردى سانيتارلىق تازالاۋ شارالارىن قولعا الدى. كومپانيا لاينەردىڭ 29 - قاراشادا باستالاتىن كەلەسى كرۋيزدىك ساپارىنا دەيىن كەڭ اۋقىمدى تازالىق شارالارىن جۇرگىزبەك.
اسقازان تۇماۋى رەتىندە بەلگىلى نوروۆيرۋس ىندەتى - جۇقپالى اۋرۋلاردىڭ ءبىرى. بۇل ىندەت كوبىنە جولاۋشىلار كەمەلەرىندە پايدا بولادى جانە ادامنان ادامعا تەز تارالادى.
