كوروناۆيرۋس: قازاقستاندا كارانتينگە جاتقىزىلعاندار سانى 170 ادامعا كوبەيدى

مۇنداي دەرەك ق ر دەنساۋلىق ساقتاۋ مينيسترلىگىنىڭ رەسمي سايتىنان ءمالىم بولدى، دەپ حابارلايدى قازاقپارات ءتىلشىسى.

«بۇگىندە ەلىمىزدە كوروناۆيرۋس جۇقتىرعان 6 ناۋقاس، ونىڭ ىشىندە الماتى قالاسىندا - 4، نۇر- سۇلتان قالاسىندا 2 ادام تىركەلگەن. ستاتسيونارلىق كارانتيندە - 1260، ءۇي كارانتينىندە 453 ادام جاتىر. سونىمەن قاتار ق ح ر- دان جانە شەكارالاس مەملەكەتتەردەن كەلگەن ازاماتتارعا مونيتورينگ جالعاسۋدا»، - دەپ اتاپ وتەدى مينيسترلىكتەن.

ۆەدومستۆونىڭ مالىمەتىنشە، بارلىق ساناتتار بويىنشا مونيتورينگكە 2 مىڭ 272 ادام الىندى. ونىڭ ىشىندە 1 «ا» ساناتى بويىنشا - 1438، 1 «ب» ساناتى بويىنشا - 475، 2-ساناتى بويىنشا 359 ادام بار. مونيتورينگكە الىنعان 2272 ادامنىڭ 380 ىنە باقىلاۋ توقتاتىلدى. 1892 ادامعا مونيتورينگ جۇرگىزىلۋدە.

«قازىرگى ۋاقىتتا دەنە قىزۋىمەن جانە جرۆي بەلگىلەرىمەن 116 ادام اۋرۋحاناعا جاتقىزىلدى. ونىڭ ىشىندە 1 «ب» ساناتى بويىنشا - 31 ادام، 2-سانات بويىنشا - 42 ادام 3-سانات بويىنشا - 43 ادام. اۋرۋحاناعا جاتقىزىلعاندار سانى 116، 62 ازامات شىعارىلدى. 54 ادام ستاتسيوناردا قالادى. باس مەملەكەتتىك سانيتارلىق دارىگەردىڭ قاۋلىسىمەن اتالعان پاتسەنتتەر الگوريتمگە سايكەس ينفەكسيالىق ستاتسيونارعا جاتقىزىلدى. ەپيدەمياعا قارسى قاجەتتى شارالار، ونىڭ ىشىندە وقشاۋلاۋ، ەمدەۋ جانە زارارسىزداندىرۋ جۇمىستارى جۇرگىزىلۋدە.

جاعداي ق ر دەنساۋلىق ساقتاۋ مينيسترلىگىنىڭ تۇراقتى باقىلاۋىندا»، - دەلىنگەن تاراتىلعان اقپاراتتا.

ايتا كەتەيىك، بۇگىن تاڭەرتەڭ ەلىمىزدىڭ دەنساۋلىق ساقتاۋ مينيسترلىگى 1090 ادامنىڭ ستاتسيونارلىق كارانتيندە جاتقانىن حابارلاعان ەدى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى