تۇرىك اۋدارماشىسى ابايدىڭ 170 جىلدىق مەرەيتويىنا ەرەكشە تارتۋ جاسادى

كونفەرەنسيا كەزىندە بايانداما جاساعان قازاقستاننىڭ تۇركياداعى ەلشىسىنىڭ كەڭەسشىسى، اۋدارماشى كيبار زافەر قازاق اقىنى ابايدىڭ تۇرىك تىلىنە اۋدارىلعان ولەڭدەر جيناعىن تانىستىردى.

«اباي تۇركى دۇنيەسىنە ورتاق تۇلعا. ونىڭ ءپالساپالىق ويلارعا تولى شىعارماشىلىعى تۇركى دۇنيەسىنىڭ ماقتانىشى. قىپشاق تۇركىلەرىنىڭ ىشىندە ەڭ باي ءارى كوركەم سانالاتىن قازاق ءتىلىنىڭ دامي تۇسۋىنە اباي ەرەكشە ۇلەس قوستى. اقىننىڭ ەڭبەكتەرى وسىنىسىمەن قۇندى. اباي ءوز شىعارماشىلىعىندا ءتىل، ءدىن جانە ءداستۇر سەكىلدى مادەنيەتتىڭ قاينار كوزى بولىپ سانالاتىن نەگىزگى تىرەكتەردى باسشىلىققا الدى. ولەڭدەرىنە اراب، پارسى، تۇرىك جانە ورىس تىلدەرىنەن سوزدەر قوسۋ ارقىلى قازاق ءتىلىنىڭ ءورسىنىڭ كەڭەيە تۇسۋىنە ءوزىنىڭ ىقپالىن جاسادى. ءدىني تۇرعىدا قاسيەتتى قۇران سوزدەرىن پايدالانىپ، شىعارمالارىن مۇسىلمان دۇنيەسىنىڭ بولشەگى رەتىندە تاراتا ءبىلدى. وسىعان قاراپ ابايدىڭ تۇركى الەمىنە عانا ەمەس، مۇسىلمان دۇنيەسىنىڭ ەرەكشە تۇلعاسى رەتىندە قاراستىرا الامىز. ۇلتتىڭ ءداستۇرى مەن عۇرىپتارىن ءوز شىعارماشىلىعىنا ارقاۋ ەتۋ ارقىلى قازاق حالقىنىڭ وركەنيەتىن تانىستىردى. مىنە، وسى ءۇش تۇعىردى باسشىلىققا العان اقىننىڭ مۇرالارى بارشا ادامزاتقا ورتاق بولىپ وتىر. تۇرىك ءتىلدى وقىرمانداردىڭ قالاۋىمەن اباي ولەڭدەرىنە اۋدارىپ شىقتىم. اقىننىڭ ءپالساپاسى مەن ۇستانىمى ەندى تۇرىك تىلىندە دە ناسيحاتتالاتىن بولادى. جيناقتىڭ ەڭ العاشقى داناسىن اقىننىڭ تۋعان ولكەسىندەگى سەمەي ۋنيۆەرسيتەتىنە تابىس ەتەمىن»، - دەدى كيبار زاريف.

اۋدارماشىنىڭ ايتۋىنشا، مەرەيتويعا وراي شىعارىلعان جيناق الداعى ۋاقىتتا ءوز جالعاسىن تاپپاق. سونىمەن قاتار، ابايدىڭ شىعارماشىلىعىن ناسيحاتتاۋ ءۇشىن تۇركيادا ادەبي كەشتەر ۇيىمداستىرىلادى.

 نۇرسەرىك جولبارىس

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى