تاۋىپ العان 170 مىڭ يۋاندى يەسىنە قايتارىپ بەردى
ول قاعازعا ورالعان اقشانى تاكسي كومپانياسىنىڭ قوجايىنىنا اپارىپ بەرىپ، يەسىن تابۋدى ءوتىنىپتى.
كوپ ۇزاماي اقشانىڭ ىزدەۋشىلەرى دە تابىلا كەتتى.
ولار جاس جىگىت پەن بويجەتكەن قىز بولىپ شىقتى.
قوماقتى قاراجاتقا عاشىقتار اۆتوسالوننان سۋ جاڭا كولىك الماق بولعان كورىنەدى. الايدا، قولتىعىنا قىسقان ءبىر بۋما اقشانى تاكسي ىشىندە قالاي ءتۇسىرىپ العانىن وزدەرى دە بىلمەيدى.
جوعالعانى تابىلعان قىتايلىق جاس ازامات قۋانعانى سونشالىق، ادالدىق تانىتقان تاكسي جۇرگىزۋشىسىنە 10 مىڭ يۋان (1600 دوللار) ۇسىنىپتى.
ءبىراق، جاۋ لەي ەشقانداي ەرلىك جاساماعانىن ايتىپ، سىياقىدان باس تارتقان.
ايتا كەتەيىك، قىتايلىق ازامات ءۇشىن كورسەتىلگەن سوما وتە ۇلكەن اقشا بولىپ ەسەپتەلەدى. مۇنداي قارجىسى بار ادامنىڭ قىتايدا بىرنەشە جىل ەڭبەكتەنبەي ءومىر سۇرۋگە مۇمكىندىگى بار.
ماسەلەن، قىتايلىق تاكسي جۇرگىزۋشىسى ايىنا 5000 يۋان جالاقى الىپ، اپتاسىنا التى كۇن جۇمىس ىستەيدى.
ءدال وسىنداي جاعداي 2013 - جىلى لاس-ۆەگاستا دا ورىن العان بولاتىن. ول كەزدە تاكسي جۇرگىزۋشىسى جولاۋشىلار ۇمىتقان 300 مىڭ دوللاردى يەلەرىنە قايتارىپ بەرگەن ەدى. ال، 2012 - جىلى سينگاپۋر ازاماتى 900 مىڭ دوللار تاۋىپ الىپ، ارتىنشا ونى زاڭدى قوجايىندارىنا قايتارعان.
Baq.kz
